الداعى ءۇش كۇنگە ارنالعان اۋا رايى بولجامى ءمالىم بولدى، دەپ حابارلايدى Almaty-akshamy.kz.
«قازگيدرومەت» الداعى كۇندەرى رەسپۋبليكانىڭ كوپ بولىگىندە نايزاعاي وينايدى، ەكپىندى جەل، جاڭبىر كۇتىلەدى. 8-9 قىركۇيەكتە سولتۇستىك-باتىستا، 9 قىركۇيەكتە ەلدىڭ سولتۇستىگىندە قاتتى جاڭبىر جاۋادى دەپ بولجايدى. قازاقستاننىڭ وڭتۇستىك-شىعىسىنداعى تاۋلى اۋدانداردا تۇندە قار ارالاس جاڭبىر جاۋۋى مۇمكىن.
«ەلىمىزدىڭ سولتۇستىگىندە، شىعىسىندا، ورتالىعىندا كۇندىز اۋا تەمپەراتۋراسى بىرتىندەپ 18-25 جىلىعا دەيىن كوتەرىلەدى. ال قازاقستاننىڭ باتىسىندا، سولتۇستىك-باتىسىندا 13-23 جىلى بولادى، ەلدىڭ وڭتۇستىگىندە، وڭتۇستىك-شىعىسىندا 22-30 گرادۋس جىلى اۋا رايى ساقتالادى»، - دەلىنگەن حابارلامادا.