تۇركىستان وبلىسىندا كوللەدج وقىتۋشىسى جادىرا بايدالى قىمىزدان بالمۇزداق جاسادى.
وقىتۋشىنىڭ ايتۋىنشا، ونىڭ باستى ماقساتى – ۇلتتىق بالمۇزداقتىڭ بيولوگيالىق قۇندىلىقتارعا باي جانە ادام اعزاسىنا پايدالى ەكەنىن دالەلدەۋ. بيە سۇتىنەن جاسالعان بالمۇزداق باسقالارعا ۇقساماي وتتا پىسەدى، قۇرامى وزگەرمەيدى، تابيعي تازا ءونىم رەتىندە پايدالانىلادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
«ءبىزدىڭ نارىقتا ۇلتتىق جانە پايدالى قىمىزدان جاسالعان ءونىم تۇرلەرى جەتىسپەيدى. بالمۇزداق جاستاردىڭ دا، بالالاردىڭ دا كوڭىلىنەن شىعادى. ول بيوونىمدەردى پايدالانۋ ارقىلى حالقىمىزدىڭ دەنساۋلىعىنا وڭ اسەر ەتەدى»، - دەدى جادىرا بايدالى.
ونىڭ ايتۋىنشا، سۋسىننىڭ قۇرامىندا تابيعي يممۋندىق قاسيەتى بار جانە ادام دەنساۋلىعىنا پايدالى تۇيىرشىكتى بەلوكتار بار.
سونىمەن قاتار، جادىرا بايدالى ساۋمال قوسىپ جاسالعان سابىن شىعارۋدى قولعا العان. ونىڭ ادام دەنساۋلىعىنا ەمدىك قاسيەتى بار.