قازاقستاندا كوشى-قون زاڭناماسىن بۇزۋشىلاردى ەلدەن شىعارۋ تۋرالى 476 سوت شەشىمى شىعارىلدى.
ق ر ىشكى ىستەر مينيسترلىگى ەلدەگى كوشى-قون زاڭناماسىنىڭ ساقتالۋىن تەكسەرىپ، جەدەل-الدىن الۋ شاراسىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كوشى-قون زاڭناماسىن بۇزۋشىلاردى ەلدەن شىعارۋ تۋرالى 476 سوت شەشىمى شىعارىلدى. ءماجبۇرلى تۇردە 70 شەتەلدىك ەلىنە قايتارىلدى. بارلىق شىعارىلعان ادامدارعا 5 جىل بويى قازاقستانعا كىرۋگە تىيىم سالىنادى»، - دەدى ىشكى ىستەر مينيسترلىگى باسپا ءسوز قىزمەتىنىڭ وكىلى شۇعىلا تۇرلىبەك اپتالىق بريفينگتە.
ماسەلەن الماتى وبلىسىنىڭ پوليسياسى قونايەۆ قالاسىندا ورتا مەكتەپ سالۋ كەزىندە زاڭسىز ەڭبەك ەتكەن افريكا ەلدەرىنىڭ 11 ازاماتىن انىقتادى. ەلدە بولۋ مەرزىمدەرىن بۇزعان بارلىق شەتەلدىك جاۋاپكەرشىلىككە تارتىلدى جانە ولاردى دەپورتاسيالاۋ بويىنشا شارالار قابىلدانۋدا.
ءىىم ەلىمىزدە شەتەلدىكتەردى قابىلداۋشى تاراپقا وزدەرىنە كەلگەن شەتەلدىك تۋرالى ىشكى ىستەر ورگاندارىن حاباردار ەتۋگە ءتيىس ەكەندىگىن تاعى دا ەسكەرتەدى.
قولدانىستاعى زاڭناماعا سايكەس، وسى مەحانيزم بۇزىلعان جاعدايدا قابىلداۋشى تاراپ ق ر اقبتك 518-بابى بويىنشا اكىمشىلىك جاۋاپقا تارتىلادى. وندا جەكە تۇلعالارعا ەسكەرتۋ جاسالسا، لاۋازىمدى تۇلعالارعا، شاعىن كاسىپكەرلىك سۋبەكتىلەرىنە نەمەسە كوممەرسيالىق ەمەس ۇيىمدارعا 10 اەك (1 اەك - 3450 تەڭگە) مولشەرىندە ايىپپۇل سالىنادى.
«وسىعان بايلانىستى، كوشى-قون قىزمەتى قازاقستاندا شەتەلدىكتەردى قابىلدايتىن ادامدارعا وزدەرىندە تۇراتىن ادامدار تۋرالى پوليسياعا حابارلاۋ نورمالارىن بۇزباۋعا شاقىرادى»، - دەدى شۇعىلا تۇرلىبەك.