يندۋستريالدى ايماقتا 88 كومپانيانىڭ قىزمەتىنىڭ ارقاسىندا 10 مىڭنان استام جۇمىس ورنى قۇرىلدى
يندۋستريالىق ايماقتىڭ نەگىزگى مىندەتى ونەركاسىپ سالاسىندا جەكە كاسىپكەرلىكتى دامىتۋعا جاردەمدەسۋ جانە حالىقتى جۇمىسپەن قامتۋدى قامتاماسىز ەتۋ. كاسىپورىنداردىڭ قىزمەتى تۋرالى «الماتى - يندۋستريالىق ايماق» ج ش س باس ديرەكتورى الىشەر ساتىبالدييەۆ ايتىپ بەردى، دەپ حابارلايدى almaty-akshamy.kz
مىسالى، 2022 جىلى 8 جوبا ىسكە قوسىلدى، ولار «كاز-ديا-تەست» ج ش س، «City Stone»، «TEPLOSTIL»، «Stroy Production»، «ەلەكتروبار»، سونداي-اق 3 شاعىن ونەركاسىپتىك پارك («QazaqPlast»، «Alatau Industrial Park»، «ALAESTATE»). ينۆەستيسيا سوماسى 9 ملرد. تەڭگەنى قۇرادى، 466 جۇمىس ورنى قۇرىلدى.
2023 جىلى 369 جۇمىس ورنىن قۇرۋمەن جالپى سوماسى 15 ملرد. تەڭگەگە 5 جوبانى ىسكە قوسۋ جوسپارلانۋدا (ق ر تەڭدەسى جوق «VALTHERM»، «Green Innovation 2030»، «يرريگاتور قازاقستان»، «بسف (رادۋگا)» جانە «الەم تىنىسى»).
بيىل 250 جۇمىس ورنىن (تولەم جۇيەلەرى ءۇشىن بانك كارتالارىن شىعاراتىن «روزان ازيا» كومپانياسى، حوش ءيىستى سابىن شىعاراتىن Telli Ondiris، پرايم ينتەرناشيونال، Kapital Construction جانە كمك Investment III كەزەڭ EURASIAN X – قۇرىلىس ماتەريالدارىن شىعارۋ) قۇرا وتىرىپ، جالپى سوماسى 11 ملرد.تەڭگەگە 5 جوبانىڭ قۇرىلىسىن اياقتاۋ جوسپارلانۋدا.
قازىرگى ۋاقىتتا Astana Motors Manufacturing Kazakhstan (جۇڭگو اۆتوكولىكتەرىن شىعاراتىن مۋلتيبرەندتى زاۋىت)، Halavet KZ (تاماق وندىرىسىندەگى جەلاتيندى ءوندىرۋ)، Qazaq Prom Stroy، تد كاما قازاقستان جانە جبي گارانت سياقتى كومپانيالار بەلسەندى قۇرىلىس جۇرگىزۋدە.
الىشەر ساتىبالدييەۆ بيزنەس-قاۋىمداستىق اراسىندا وتە تانىمال ونەركاسىپتىك پاركتەر تۋرالى ايتىپ بەردى. مىسالى، بۇگىندە ونەركاسىپتىك پاركتەرگە ورنالاسۋ ءۇشىن 200-دەن استام كومپانيا كەزەكتە تۇر.
ونەركاسىپتىك پاركتەر اۋماعىندا ورنالاسۋ بويىنشا كوش باسىندا تاماق، جيھاز ونەركاسىبى، پلاستماسسا جانە مەتالل وڭدەۋ كومپانيالارى تۇر.
«يندۋستريالىق ايماق جوعارى قارقىنمەن دامىپ كەلە جاتقانىن ەسكەرسەك، بۇگىندە اۋماقتىڭ 95%-ى يگەرىلدى. مەملەكەت باسشىسىنىڭ ءوزى قولداۋ بىردىرگەن باتىسقا قاراي جەو-2 باعىتىندا 200 گەكتارعا كەڭەيتۋ تۋرالى شەشىمى قابىلداندى. ءقازىر جەر ۋچاسكەلەرىن ساتىپ الۋ اياقتالۋدا»،-دەپ جالعاستىردى الماتى يا باس ديرەكتورى.
قورىتىندىلاي كەلە، الىشەر ساتىبالدييەۆ الماتى قالاسى اكىمىنىڭ قولداۋىمەن، يندۋستريالدى ايماقتىڭ اۋماعىندا يننوۆاسيالىق تەحنيكالىق كوللەدجىنىڭ قۇرىلىسى باستالادى. ول 720 وقۋشى ورنىنا ەسەپتەلگەن، كوللەدج اۋماعىندا 320 ورىندىق ستۋدەنتتىك جاتاقحانا ورنالاساتىن بولادى. كوللەدج وقۋشىلارى يندۋستريالىق ايماققا قاجەت ماماندىقتارعا باعىتتالعان ءبىلىم الادى.