2023 جىلعى 19 ناۋرىزعا تاعايىندالعان قازاقستان رەسپۋبليكاسى پارلامەنت ءماجىلىسىنە دەپۋتاتتارىنىڭ كەزەكتەن تىس سايلاۋىنا دايىندىق جانە وتكىزۋ كەزەڭىندەگى قىزمەت تۋرالى قازاقستان رەسپۋبليكاسىنىڭ بۇقارالىق اقپارات قۇرالدارى ءۇشىن اقپاراتتىق حابارلاما
«جەتىنشى سايلانعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2023 جىلعى 19 قاڭتارداعى № 104 جارلىعىنا سايكەس قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2023 جىلعى 19 ناۋرىزعا تاعايىندالدى.
وسىعان بايلانىستى، قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى 2022 جىلعى 5 قاراشادا ەنگىزىلگەن «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭىنداعى (بۇدان ءارى - زاڭ) وزگەرىستەرگە ب ا ق، ينتەرنەت-رەسۋرستار مەن ونلاين – پلاتفورما پايدالانۋشىلارىنا كەلەسىنى حابارلايدى:
اتاپ ايتقاندا، قولدانىستاعى زاڭدارعا سايكەس:
1) پارلامەنت ءماجىلىسىنىڭ دەپۋتاتتارى ارالاس سايلاۋ جۇيەسى بويىنشا: ءبىرتۇتاس جالپىۇلتتىق سايلاۋ وكرۋگىنىڭ اۋماعى بويىنشا پروپورسيونالدى وكىلدىك ەتۋ جۇيەسى بويىنشا، سونداي-اق ءبىرمانداتتىق اۋماقتىق سايلاۋ وكرۋگتەرى بويىنشا سايلانادى (زاڭنىڭ 9-بابى)؛
2) ب ا ق جانە ونلاين-پلاتفورما پايدالانۋشىلارى الەۋمەتتىك جەلىلەردە (ونلاين-پلاتفورمالاردا) سايلاۋ الدىنداعى ۇگىتتى جۇزەگە اسىرۋ ءتارتىبى ايقىندالعان.
سايلاۋالدى ۇگىتتى الەۋمەتتىك جەلىلەردە (ونلاين-پلاتفورمالاردا) جۇزەگە اسىرۋعا نيەت بىلدىرگەن ونلاين-پلاتفورمالار پايدالانۋشىلارى باق-پەن (تەلەارنالار، راديوارنالار، مەرزىمدى باسپا ءسوز باسىلىمدارى، ينتەرنەت-رەسۋرستار) قاتار، سايلاۋ الدىنداعى ۇگىت باستالعانعا دەيىن 5 كۇن بۇرىن سايلاۋ كوميسسيالارىنا تولەم مولشەرى تۋرالى مالىمەتتەردى، ورنالاستىرۋ شارتتارىن (ءبىرتۇتاس جالپىۇلتتىق سايلاۋ وكرۋگىنىڭ اۋماعى بويىنشا – ورتالىق سايلاۋ كوميسسياسىنا، ءبىر مانداتتىق اۋماقتىق سايلاۋ وكرۋگتەرى بويىنشا – اۋماقتىق سايلاۋ كوميسسيالارىنا) ۇسىنۋى قاجەت.
ب ا ق (تەلەارنالار، راديوارنالار، مەرزىمدى باسپا ءسوز باسىلىمدارى، ينتەرنەت-رەسۋرستار) ۇگىت ماتەريالدارىن وزدەرىنىڭ الەۋمەتتىك جەلىلەردەگى (ونلاين-پلاتفورمالارداعى) رەسمي اككاۋنتتارىنا ورنالاستىرۋدى جوسپارلاعان جاعدايدا، مۇنداي اككاۋنتتاردىڭ اتاۋلارى دا ءتيىستى سايلاۋ كوميسسيالارىنا ۇسىنىلۋى ءتيىس.
بۇقارالىق اقپارات قۇرالدارى سايلاۋ الدىنداعى ۇگىت باستالعانشا بەس كۇنگە دەيىن ەفير مەن باسپا الاڭىن بەرۋدىڭ تولەم مولشەرى، شارتتارى مەن ءتارتىبى تۋرالى مالىمەتتەردى جاريالاماسا جانە ولاردى ءتيىستى سايلاۋ كوميسسيالارىنا ۇسىنباسا، كانديداتتاردىڭ ۇگىت ماتەريالدارىن ورنالاستىرىپ تاراتا المايدى (وسى نورمانى بۇزۋ لاۋازىمدى ادامدارعا - 30 اەك، زاڭدى تۇلعالارعا - 50 اەك مولشەرىندە ايىپپۇل سالۋعا اكەپ سوعادى).
ۇگىت ماتەريالداردى ولاردىڭ جەكە پاراقشالارىندا ورنالاستىرۋ شارتتارى تۋرالى مالىمەتتەردى وسك-عا جانە/نەمەسە اسك-گە جاريالاعان جانە ۇسىنعان ب ا ق جانە ونلاين-پلاتفورمالار پايدالانۋشىلارى ۇگىت ماتەريالدارىن تەك شارتتىق نەگىزدە ورنالاستىرادى.
بۇل رەتتە ازاماتتار مەن قوعامدىق بىرلەستىكتەردىڭ قارجىلاندىرۋدى تالاپ ەتپەيتىن سايلاۋ الدىنداعى كەدەرگىسىز ۇگىت جۇرگىزۋ قۇقىعى ساقتالادى.
وسىعان بايلانىستى، پارتيالىق تىزىمدەردى، كانديداتتاردى تىركەۋ مەرزىمى اياقتالعانعا دەيىن، سايلاۋ كۇنى جانە ونىڭ الدىنداعى كۇنى (2023 جىلعى 18 اقپاننىڭ 18.00 ساعاتىنا دەيىن، سونداي-اق 2023 جىلعى 18 جانە 19 ناۋرىزدا) سايلاۋ الدىنداعى ۇگىت جۇرگىزۋگە تىيىم سالىناتىنىن ەسكە سالامىز. كورسەتىلگەن نورمانى بۇزعانى ءۇشىن اكىمشىلىك جاۋاپكەرشىلىك كوزدەلگەن (ق ر اقبتك-نىڭ 102-بابى).
3.تەلەراديو حابارلارىن تاراتۋ سۋبەكتىلەرىمەن جاڭالىقتار مەن تالدامالىق باعدارلامالاردا كەز كەلگەن ۇگىت ماتەريالدارىن تاراتۋىنا تىيىم سالىنعانىن تەلەراديو حابارلارىن تاراتۋ سۋبەكتىلەرىنىڭ نازارىن اۋدارامىز. وسى تىيىمدى بۇزعانى ءۇشىن 50 اەك مولشەرىندە ايىپپۇل تۇرىندەگى اكىمشىلىك شارا بەلگىلەندى (اقبتك-نىڭ 102-بابىنىڭ 1-1 تارماعى).
جادىناما ماتىمەن تومەندەگى سىلتەمە ارقىلى تانىسا الاسىزدار.