بۇگىن - حالىقارالىق شالا تۋعان نارەستەلەر كۇنى.
جىل سايىن الەمدە 15 ميلليون ءسابي، ال قازاقستاندا 22 مىڭعا جۋىق ءسابي شالا (4،9-5%) تۋادى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
ۆەدومستۆونىڭ مالىمەتىنشە، نەوناتولوگتاردىڭ جۇمىسىنىڭ ارقاسىندا بالالاردىڭ ءومىر ءسۇرۋ كورسەتكىشى ارتىپ، بۇگىندە 70-80 پايىزعا جەتىپ وتىر.
2022 جىلدىڭ 9 ايىندا ەلىمىزدە 299 711 ءسابي دۇنيەگە كەلدى، ولاردىڭ 16،3 مىڭى – مەرزىمىنەن بۇرىن تۋعان سابيلەر.
«شالا تۋعان نارەستەلەردىڭ ءومىر ءسۇرۋ كورسەتكىشىن جاقسارتۋ ءۇشىن قازاقستاندا ددسۇ ۇسىنعان جانە دالەلدى مەديسينا قاعيداتتارىنا نەگىزدەلگەن وكپە ءتىنىنىڭ جەتىلۋىنە ارنالعان جاڭا تەحنولوگيالاردى جانە زاماناۋي دياگنوستيكالىق جانە ەمدەۋ اپپاراتۋراسى مەن دارىلىك زاتتاردى پايدالانا وتىرىپ، جاڭا تۋعان نارەستەلەردى رەانيماسيالاۋ جانە قارقىندى تەراپيا ادىستەرى ەنگىزىلىپ، ۇزدىكسىز دامىپ جاتىر»، - دەيدى مينيسترلىك.
قازاقستاندا 39 پەريناتالدىق ورتالىق جانە 2 رەسپۋبليكالىق دەڭگەيدەگى اكۋشەرلىك ۇيىم جۇمىس ىستەيدى، ولاردا جاڭا تۋعان نارەستەگە دەر كەزىندە مەديسينالىق كومەك كورسەتۋ جانە قاجەت بولعان جاعدايدا بوسانعاننان كەيىنگى العاشقى كۇندەرى حيرۋرگيالىق وتا جاساۋ ءۇشىن ايەل بوسانعانعا دەيىن اۋرۋحاناعا جاتقىزىلادى.