ەلىمىزدە جىل قۇسى تاڭدالدى

2022 جىلى جىل قۇسى بۇلبۇل بولعان ەدى.

قازاقستاندا جىل قۇسى رەتىندە كوكقۇس تاڭدالدى، دەپ حابارلايدى Almaty-akshamy.kz.

كوكقۇس ق ر قىزىل كىتابىنا ەنگىزىلگەن. ونىڭ تاۋلى وزەندەردىڭ ارقىراعان دىبىسىن باساتىن وزىنە ءتان سىبىزعى ىسقىرىق ءۇنىن شاتاستىرۋ مۇمكىن ەمەس.

كوكقۇس (Myophonus caeruleus) — قازاقستاننىڭ وڭتۇستىك ءوڭىرى تاۋلى وزەن بويلارىن مەكەن ەتەتىن ءتۇر. قىستا وڭتۇستىككە قاراي بەتتەيدى، الايدا ءبىرشاما بولىگى تومەن تاۋلى بەلدەۋلەردە قىستايدى. سوڭعى جىلدارى بوردۆوچەرلەر (قۇستاردى باقىلاۋشىلار) ءبىرلى-جارىمى الماتىدا قىستايتىنىن بايقاعان. سۋ ۇستىندەگى قۇزدىڭ كەرتەش جەرلەرىندە، كوپىردىڭ تىرەكتەرىندە، ت.ب. ۇيالايدى، 4-6 جۇمىرتقادان سالادى. سۋ جانە جەرۇستى ومىرتقاسىزدارمەن، كەسىرتكە، كەمىرگىشتەر، كەيدە ۇساق قۇس جانە بالىقتارمەن قورەكتەنەدى، كۇزدە جانە قىستا جيدەكتەردى ازىق ەتەدى.

تۇرگە ءقاۋىپ – ساۋدا ماقساتىمەن زاڭسىز اۋلاۋ، سوڭعى ۋاقىتتا تاۋلارداعى جاپپاي دەمالۋعا قاتىستى دامىلسىزدىق كورىنىس الادى. ورنيتولوگتار ساياحاتشىلارعا تاۋ بوكتەرى جولىنان مۇمكىندىگىنشە اۋىتقىماۋىنا كەڭەس بەرەدى، اسىرەسە، كوپتەگەن قۇستاردىڭ ۇيا سالۋ مەرزىمى – كوكتەمدە جانە جازدىڭ باسىندا.

جىل قۇسىن قازاقستان بيوالۋانتۇرلىلىكتى ساقتاۋ اسسوسياسياسى مۇشەلەرى ونلاين داۋىس بەرۋ ارقىلى تاڭداپ الدى. قۇستاردىڭ ەكى ءتۇرى — جورعاتورعاي جانە كوكقۇستان داۋىس بەرۋشىلەردىڭ 64%-ى كوكقۇستى تاڭدادى.

قۇس ءتۇرىن قازاقستاننىڭ قۇستاردى قورعاۋ وداعى جانە قازاقستان بيوالۋانتۇرلىلىكتى ساقتاۋ اسسوسياسياسى ورنيتولوگتارى ۇسىندى.

داۋىس بەرۋ التى كۇنگە سوزىلىپ، 15 قاڭتار كۇنى اياقتالدى.