الماتىدا VII شاقىرىلعان قالالىق ءماسليحاتتىڭ كەزەكتەن تىس XXXII سەسسياسى ءوتتى. وتىرىسقا قالا اكىمىنىڭ ورىنباسارلارى، باسقارما باسشىلارى، ءماسليحات دەپۋتاتتارى، قوعامدىق كەڭەس مۇشەلەرى جانە ساراپتامالىق قوعامداستىق وكىلدەرى قاتىستى، دەپ حابارلايدى اlmaty-akshamy.kz.
سەسسيا بارىسىندا ءماسليحات دەپۋتاتتارى ءبىرقاتار نورماتيۆتىك-قۇقىقتىق اكتىلەردى، ونىڭ ىشىندە جاسىل جەلەكتەردى كۇتىپ ۇستاۋ جانە قورعاۋ ەرەجەلەرىن قارادى جانە بەكىتتى، ولاردى ازىرلەۋگە عالىمدار، كوگالداندىرۋشىلار جانە جۇرتشىلىق وكىلدەرى بەلسەندى قاتىستى.
ەرەجەلەر العاش رەت جاسىل جەلەكتەرگە قاتىستى نورمالار مەن تالاپتاردى ەنگىزەدى، ياعني سۋارۋ، ونىڭ ىشىندە سۋارۋ جۇيەسىن ۇيىمداستىرۋ، جاسىل جەلەكتەردى زيانكەستەر مەن اۋرۋلاردان بيولوگيالىق وڭدەۋ، نەعۇرلىم ساپالى وتىرعىزۋ ماتەريالدارىن تاڭداۋ، وبەكتىلەردەن اعاشتارعا دەيىنگى ەڭ از اراقاشىقتىقتى ساقتاۋ، اعاشتارعا سانيتارلىق جانە فورمالى كەسۋدى جۇرگىزۋ، قۇرىلىس جۇرگىزۋ نەمەسە اۋماقتى رەكونسترۋكسيالاۋ تۋرالى شەشىمدەر قابىلداۋ كەزىندە مىندەتتى تۇردە قوعامدىق تىڭداۋلار وتكىزۋ.
جاڭا ەرەجەلەرگە سايكەس، وتەمدىك ەكپەلەر كەزىندە بيىكتىگى كەمىندە 2،5 م نەمەسە بيىكتىگى كەمىندە 2 م قىلقان جاپىراقتى اعاشتاردى ءۇش جىل بويى كۇتۋ قاراستىرىلادى.
ەرەجەلەردە جاسىل كەڭىستىگى بار اۋماقتا جۇمىس ىستەيتىن قۇرىلىس كومپانيالارىنا قويىلاتىن تالاپتار ايتارلىقتاي كۇشەيتىلگەن. قۇرىلىس ۇيىمدارى جۇمىستاردى جۇرگىزۋ كەزىندە جاسىل جەلەكتەردىڭ ساقتالۋىن قامتاماسىز ەتۋ ءۇشىن تالاپتاردى ورىنداۋعا مىندەتتى.
سەسسيا بارىسىندا ءماسليحات دەپۋتاتتارى جانۋارلاردى اۋلاۋدىڭ، ۋاقىتشا كۇتىپ-باعۋدىڭ جانە جانسىزداندىرۋدىڭ وڭىرلىك قاعيدالارىن، ءۇي جانۋارلارىن كۇتىپ-باعۋ جانە سەرۋەندەتۋ ەرەجەلەرىن بەكىتتى. بۇل قۇجاتتار اۋلاۋدىڭ ادامگەرشىلىك ءتاسىلىن رەتتەۋگە، قاڭعىباس جانۋارلاردى بەيىمدەۋ (قوسۋ) جونىندەگى جۇمىستى جەتىلدىرۋگە مۇمكىندىك بەرەدى؛ جانۋارلارعا قاتىگەزدىك جاساعانى ءۇشىن اكىمشىلىك ىقپال ەتۋ شارالارىن، ت.ب. قاراستىرادى.
دەپۋتاتتار الماتى قالاسىندا تۋريستەردىڭ كەلۋ قۇنىنىڭ (بەس) پايىزى مولشەرىندە شەتەلدىكتەر ءۇشىن تۋريستىك جارنا مولشەرلەمەسى بويىنشا شەشىم قابىلدادى جانە بەكىتتى. مۇنداي تاجىريبە كوپتەگەن جەتەكشى تۋريستىك ەلدەردە ەنگىزىلگەن. تۋريستىك جارنادان الىنعان اقشالاي قاراجات جەرگىلىكتى بيۋدجەتتەن ءتۋريزمدى دامىتۋعا باعىتتالاتىن بولادى.
سونىمەن قاتار، حالىقتىڭ ءومىر ءسۇرۋ جايلىلىعىن ارتتىرۋ ءۇشىن الماتى قالاسىندا سىرتقى جارىقتاندىرۋ جۇيەلەرىن پايدالانۋ ەرەجەلەرى بەكىتىلدى. نەگىزگى ماقسات – سىرتقى جارىقتاندىرۋ نىساندارىن كۇتىپ ۇستاۋ جانە پايدالانۋ، كولىك قۇرالدارىنىڭ قوزعالىس قاۋىپسىزدىگى جونىندەگى ءىس-شارالاردى وڭتايلاندىرۋ، سونداي-اق ءبىرىڭعاي جارىق تۇجىرىمداماسىن جاساۋ.
قاۋىپسىزدىكتى قامتاماسىز ەتۋ، سونداي-اق قىلمىس دەڭگەيىن تومەندەتۋ جانە قىلمىستاردىڭ اشىلۋىن ارتتىرۋ ماقساتىندا "الماتى قالاسىندا مەنشىك يەلەرىنىڭ كەلىسىمىنە وراي ازاماتتار كوپ جينالاتىن ورىنداردا بەينەكامەرالار ورناتۋ جانە بەينەباقىلاۋ مونيتورينگىن جۇرگىزۋ ەرەجەلەرىن بەكىتۋ تۋرالى» ءماسليحات شەشىمىنىڭ جوباسى ازىرلەندى. بۇل ەرەجەلەر مەنشىك يەلەرىنىڭ كەلىسىمىمەن پوليسيا دەپارتامەنتىنىڭ جەدەل باسقارۋ ورتالىعىنىڭ ءبىرىڭعاي جۇيەسىنە كوممەرسيالىق وبەكتىلەردىڭ بەينەكامەرالارىن قوسۋعا مۇمكىندىك بەرەدى. بايلانىس ارناسى ءۇشىن تولىق تولەمدى مەملەكەتتىك ورگان ءوز موينىنا الادى. وسىنىڭ ارقاسىندا قالادا بەينەباقىلاۋدى قامتۋ 4 ەسەگە – 128 مىڭ كامەراعا دەيىن كەڭەيەدى.
سەسسيا بارىسىندا دەپۋتاتتار قالا اكىمى مەن الماتى قالاسى اۋداندارى اكىمدەرىنىڭ حالىقپەن كەزدەسۋلەرىنىڭ جىلدىق كۇنتىزبەسىن ماقۇلدادى. ماسەلەن، 2022 جىلى قالا اكىمى ەربولات دوسايەۆ حالىقپەن جالپى 24 كەزدەسۋ وتكىزدى.
دەپۋتاتتار الماتى قالاسى جەر كوميسسياسىنىڭ قۇرامىن جانە ول تۋرالى قاعيدانى بەكىتتى. قۇرام جىل سايىن كەلەسى ون ەكى كۇنتىزبەلىك اي وتكەننەن كەيىن بەكىتىلەدى.
سەسسيا بارىسىندا ءماسليحات اۋداندىق جانە ۋچاسكەلىك سايلاۋ كوميسسيالارىنىڭ جاڭا قۇرامىن سايلادى، سونداي-اق قالعان وكىلەتتىك مەرزىمىنە شىعىپ قالعانداردىڭ ورنىنا سايلاۋ كوميسسيالارىنىڭ مۇشەلەرىن سايلادى.
اتاپ وتەرلىگى، وتكەن جىلى قالالىق ءماسليحات الماتى قالاسىنىڭ اكىمدىگىمەن بىرلەسىپ رەكوردتىق سەسسيالار وتكىزدى، سونداي-اق ءوز تاريحىندا قالانىڭ تىنىس-تىرشىلىگىن رەتتەيتىن بارىنشا كوپ نورماتيۆتىك-قۇقىقتىق اكتىلەردى بەكىتتى. ماسەلەن، تۇراقتى كوميسسيالاردىڭ 19 سەسسياسى مەن 85 وتىرىسى ءوتتى. ناتيجەسىندە 106 شەشىم قابىلداندى، ونىڭ ىشىندە 25 نورماتيۆتىك-قۇقىقتىق اكت. 5 سەسسيادا بيۋدجەتتى ناقتىلاۋ بويىنشا شەشىمدەر قابىلداندى.
ءماسليحاتتىڭ ۇسىنىسى بويىنشا پارتيالاردىڭ بارلىق فيليالدارىنىڭ قوعامدىق قابىلداۋ بولمەلەرى اشىلدى. 2022 جىلى دەپۋتاتتار ءماسليحاتتىڭ قوعامدىق قابىلداۋ بولمەسىندە 31 ازاماتتى قابىلدادى. ازاماتتاردىڭ وتىنىشتەرى بويىنشا جانە الەۋمەتتىك جەلىلەردەگى رەزونانستىق جاريالانىمدار بويىنشا بەيىندى مەملەكەتتىك ورگاندار مەن اۋدان اكىمدىكتەرىنىڭ وكىلدەرىمەن تۇراقتى كوميسسيالاردىڭ جەدەل بارۋ تاجىريبەسى ەنگىزىلدى. ماسەلەلەر جەرگىلىكتى جەرلەردە قارالادى جانە ءتيىستى شارالار قابىلدانادى.
ق ر پرەزيدەنتى ق.ك. توقايەۆتىڭ تاپسىرماسىنا سايكەس، ءماسليحات سەسسيالارىنىڭ اشىقتىعى مەن ترانسپارەنتتىگىن ارتتىرۋ ماقساتىندا سەسسيالار ونلاين رەجيمدە ءوتتى جانە كوپشىلىك نازارىنا ۇسىنىلدى.