جۇمىس ىستەيتىن 9 ميلليون ادام بار
ۇلتتىق ستاتيستيكا بيۋروسىنىڭ مالىمەتى بويىنشا، قازاقستاندا جۇمىسسىزدىق دەڭگەيى 4،9 پايىزدى قۇرادى. ەسەپتەۋلەر حالىقارالىق ەڭبەك ۇيىمىنىڭ ادىستەمەسى بويىنشا جۇرگىزىلدى. جۇمىسسىزدار سانى 458،3 مىڭ ادامدى قۇرايدى. جاستاردىڭ ۇلەسى 6،5 پايىزدى قۇرايدى، دەپ حابارلايدى Almaty-akshamy.kz.
2022 جىلى قازاقستان ەكونوميكاسىنىڭ ءارتۇرلى سالالارىندا 9 ميلليون ادام جۇمىسپەن قامتىلدى، ونىڭ ىشىندە:
6،9 ملن ادام جۇمىسشىلار؛
2،1 ميلليونى ءوزىن-وزى جۇمىسپەن قامتىعاندار.
بۇعان دەيىن ماماندار 2030 جىلعا دەيىن سۇرانىسقا يە بولاتىن ماماندىقتاردى اتاعان بولاتىن. ولاردىڭ پىكىرىنشە، قازىرگى ۋاقىتتا قازاقستاندا جۇمىسشىلاردىڭ باسىم بولىگى تومەن جانە ورتاشا بىلىكتىلىك تالاپ ەتىلەتىن سالالاردا جۇمىس ىستەيدى.