قازاقستاندىق تەننيسشى يسپانياداعى جارىستىڭ شيرەك فينالىنا شىقتى

ت.سكاتوۆ جارتىلاي فينالعا شىعۋ ءۇشىن رەسەيلىك سپورتشىمەن تالاسادى

قازاقستاننىڭ ەكىنشى، الەمنىڭ 155-راكەتكاسى تيموفەي سكاتوۆ يسپانيانىڭ جيرونا قالاسىندا ءوتىپ جاتقان چەللەندجەر ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق تەننيسشى الدىمەن دۇنيەجۇزىلىك رەيتينگتە 172-ورىندا تۇرعان فرانسيالىق لورەن لوكوليدى 6:3، 6:2 ەسەبىمەن ۇتتى.

سودان كەيىن ەكىنشى اينالىمدا الەمنىڭ 214-راكەتكاسى، سەربيالىق ميليان زەكيچتى جولدان تايدىردى – 6:0، 6:4.

ت.سكاتوۆ جارتىلاي فينالعا شىعۋ ءۇشىن رەيتينگتە 241-ساتىداعى رەسەيلىك يۆان گاحوۆپەن تالاسادى.

قازاقستاندىق، الەمنىڭ 343-راكەتكاسى بەيبىت جۇقايەۆ فرانسيانىڭ ليلل قالاسىندا ءوتىپ جاتقان چەللەندجەر تۋرنيرىندە اسا تارتىستى باسەكەدە 18 ەيس جاساعانىمەن، رەيتينگتەگى 99-ورىنداعى اۋستراليالىق ماكس پەرسەلگە ەسە جىبەردى – 6:7 (1:7)، 6:2، 6:7 (5:7).

وسى جارىستا الەمنىڭ 275-راكەتكاسى ميحايل كۋكۋشكين رەيتينگتە 348-ساتىداعى فرانسيالىق كەنني دي سحەپپەرگە جول بەردى – 2:6، 3:6.

ەسكە سالا كەتەيىك، بۇدان بۇرىن ەلەنا رىباكينانىڭ مايامي ماستەرس ءتۋرنيرىنىڭ جارتىلاي فينالىنا شىققانىن جازعان بولاتىنبىز.

سونداي-اق ەلەنا رىباكينا سەرەنا ءۋيليامستىڭ تاريحي ناتيجەسىن قايتالادى.

ەلەنا رىباكينا ەيس جاساۋ جونىنەن الەم تەننيسشىلەرىنىڭ كوشىن باستادى.

قازاقستان جاسوسپىرىمدەرى الەم چەمپيوناتىنىڭ جولداماسى ءۇشىن جاپونيامەن تالاسادى.