قازاقستاندىق اكتريسا ءارى پروديۋسەر داريعا بادىقوۆانىڭ فيلمدەرى وتاندىق پروكاتتا جاڭا رەكورد ورناتتى. كەيىنگى ءۇش جىلدا جارىق كورگەن تۋىندىلارىنىڭ جالپى تابىسى 4،7 ملرد تەڭگەدەن اسىپ، قازاق كينويندۋسترياسى تاريحىندا بۇرىن-سوڭدى بولماعان كورسەتكىشكە جەتتى، دەپ حابارلايدى اqshamnews.kz ءتىلشىسى.
Rentrak جۇيەسىنىڭ رەسمي مالىمەتتەرى بويىنشا، 2023–2025 جىلدارى پروكاتقا شىققان بادىقوۆانىڭ فيلمدەرى مىناداي تابىس اكەلگەن:
-
«تاپتىم-اۋ سەنى» (2023) – 1 834 702 810 تەڭگە
-
«ىستىق ۇيا» (2025) – 1 754 600 300 تەڭگە
-
«تاپتىم-اۋ سەنى 2» (2024) – 1 198 850 506 تەڭگە
ءۇش ءفيلمنىڭ جيىنتىق تابىسى — 4 ملرد 788 ملن تەڭگەدەن جوعارى.
پروديۋسەردىڭ سوڭعى جوباسى درامالىق «ىستىق ۇيا» ءفيلمى پروكاتقا شىققاننان كەيىن از ۋاقىت ىشىندە-اق 1،7 ملرد تەڭگەدەن اسا قارجى جيناپ، 2025 جىلدىڭ ەڭ كاسسالى قازاقستاندىق ءفيلمى اتاندى. تۇسكەن تابىس كولەمى بويىنشا ول قازاقستان تاريحىنداعى بارلىق فيلمدەر ىشىندە ەكىنشى ورىنعا شىقتى.
ال رەيتينگتىڭ ءبىرىنشى ساتىسىندا ءالى كۇنگە دەيىن بادىقوۆانىڭ ءوز تۋىندىسى – «تاپتىم-اۋ سەنى» ءفيلمى تۇر.