ەلىمىزدە جۇمىرتقا باعاسى ءوستى

ەلدەگى 20 ايماق بويىنشا اي ىشىندە باعا تەك الماتى قالاسىندا وزگەرىسسىز قالعان.

قاڭتار-قىركۇيەك ارالىعىندا قازاقستاندا 3،8 ملرد دانا جۇمىرتقا باسىلدى، بۇل ءبىر جىل بۇرىنعى كورسەتكىشتەن 5،3%-عا جوعارى، دەپ حابارلايدى Almaty-akshamy.kz.

وڭىرلىك بولىنىستە سولتۇستىك قازاقستان وبلىسى كوش باستاپ تۇر، جىل ىشىندە ءوندىرىس 40،7%-عا ۇلعايىپ، 559،9 ملن دانا شىعارىلعان. ەكىنشى ورىندا اقمولا وبلىسى 555،5 ملن دانا جۇمىرتقا باسىلعان، الايدا ءونىم جىل ىشىندە 7،4%-عا تومەندەگەن. قاراعاندى وبلىسىندا بىلتىرعى كورسەتكىشپەن سالىستىرعاندا 2%-عا كەم ءونىم الىنىپ، 472،9 ملن دانانى قۇرادى.

قاڭتار-تامىز قورىتىندىسى بويىنشا جەرگىلىكتى كومپانيالار ىشكى سۇرانىستى 96،3%-عا قامتىعان، وتكەن جىلعى كورسەتكىش 94،4% بولعان ەدى. سايكەسىنشە 3،7% ءونىم يمپورتتالعان. جىل باسىنان بەرى ەلىمىزگە 130،8 ملن دانا جۇمىرتقا اكەلىنگەن، وتكەن جىلعىدان 30،9%-عا كەم.

جۇمىرتقا ەكسپورتى كەرىسىنشە 2،2 ەسە ۇلعايىپ، 184،5 ملن داناعا جەتكەن.

بيىلعى قازان ايىنىڭ قورىتىندىسى بويىنشا جۇمىرتقا باعاسى ءبىر ايدا 6،3%-عا، جىل ىشىندە 14،8%-عا قىمباتتاعان. وڭىرلەر اراسىندا باعا ۇلىتاۋ وبلىسىندا بىردەن 19،8%، پاۆلودار وبلىسىندا 14،7%، قىزىلوردا وبلىسىندا 13،6% كوتەرىلدى. الماتى وبلىسىندا 0،4%-عا قىمباتتاعان. ەلدەگى 20 ايماق بويىنشا اي ىشىندە باعا تەك الماتى قالاسىندا وزگەرىسسىز قالعان.

جىلدىق كورسەتكىشتە، جۇمىرتقا  قىزىلوردا وبلىسىندا 52،2%، قوستاناي وبلىسىندا 34،1%، باتىس قازاقستاندا 32،5% قىمباتتاسا، الماتى قالاسىندا 4%-عا، جەتىسۋ وبلىسىندا 0،4%-عا ارزانداعان.