ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ وسىلاي دەپ مالىمدەدى.
وبلىستاردا، استانا، الماتى مەن شىمكەنت قالالارىندا 86 سايلاۋ ۋچاسكەلەرى تاڭعى ساعات 6:00-دە اشىلادى، دەپ حابارلايدى Almaty-akshamy.kz
قازىرگى كەزدە رەسپۋبليكا بويىنشا بارلىق سايلاۋ ۋچاسكەسى دايىن. ال ءۇش قالانىڭ اۋماقتىق كوميسسيالارى سايلاۋدى ءبىر ساعات بۇرىن باستاۋعا شەشىم قابىلدادى.
«وبلىستاردىڭ، استانا، الماتى مەن شىمكەنت قالالارىنىڭ اۋماقتىق سايلاۋ كوميسسيالارى ۇسىنعان جەدەل مالىمەتتەر بويىنشا، ءتيىستى اۋماقتىق سايلاۋ كوميسسيالارىنىڭ شەشىمدەرىمەن 86 سايلاۋ ۋچاسكەسىندە داۋىس بەرۋ جەرگىلىكتى ۋاقىت بويىنشا تاڭعى 6:00-دە باستالادى»، - دەدى ءابدىروۆ كوميسسيانىڭ بۇگىنگى وتىرىسىندا.
ونىڭ ايتۋىنشا، قالا قۇراۋشى كاسىپورىنداردىڭ اۋىسىمدىق جۇمىس كەستەسى دە ەسكەرىلەدى.
ايتا كەتەرى، بۇگىن سايلاۋالدى ۇگىت-ناسيحاتتىڭ سوڭعى كۇنى بولىپ سانالادى. ەرتەڭ - تىنىشتىق كۇنى. ال 20 قاراشادا پرەزيدەنتتىك سايلاۋ باستالادى.