قار ارالاس جاڭبىر بولادى.
«قازگيدرومەت» ماماندارى 19-21 قاراشا كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz
«رەسپۋبليكانىڭ باسىم بولىگىندەگى اۋا رايىنىڭ تۇراقسىز سيپاتى اتموسفەرالىق فرونتتاردىڭ وتۋىمەن بايلانىستى بولادى. اتاپ ايتساق، جاۋىن-شاشىن كۇتىلەدى، سولتۇستىكتە قار جاۋادى، رەسپۋبليكانىڭ قالعان بولىگىندە قار ارالاس جاۋىن-شاشىن كۇتىلەدى»، - دەلىنگەن مامانداردىڭ حابارلاماسىندا.
20 قاراشادا رەسپۋبليكانىڭ شىعىسىندا قاتتى قار، وڭتۇستىك-شىعىستا قاتتى جاۋىن-شاشىن بولادى. رەسپۋبليكا بويىنشا جەلدىڭ كۇشەيۋى، كوكتايعاق، تۇمان كۇتىلەدى. سولتۇستىك، سولتۇستىك-باتىس، شىعىس جانە ورتالىقتا بۇرقاسىن بولادى دەگەن بولجام بار. اۋا تەمپەراتۋراسى تۇندە سولتۇستىك-باتىس جانە سولتۇستىكتە 15-23 ايازعا دەيىن، شىعىستا 12-20 ايازعا دەيىن تومەندەۋى مۇمكىن.