باتىس-قازاقستان جانە اقتوبە وبلىستارىندا توپىراقتى تالداۋ جانە جول-قۇرىلىس ماتەريالدارى جانە جاڭا تەحنولوگيالاردىڭ ءبىرىڭعاي بازاسىنا ەنگىزىلگەن تۇراقتاندىرعىشتاردى سىناۋ جۇمىستارى باستالدى، دەپ حابارلايدى aqshamnews.kz.
كولىك مينيسترلىگىنىڭ مالىمەتىنشە، تەكسەرۋدەن ءوتىپ، «سارى» جانە «جاسىل» مارتەبەگە يە بولعان وتاندىق ازىرلەمەلەرگە ەرەكشە نازار اۋدارىلادى، بۇل ولاردىڭ ساپا جانە قاۋىپسىزدىك ستاندارتتارىنا سايكەستىگىن راستايدى.
«قازاقستان سورتاڭداردان باستاپ قۇمدىسازداقتارعا دەيىن ءتورت توپىراق-گەوگرافيالىق ايماققا بولىنەدى. توپىراقتىڭ بارلىق تۇرلەرىندە جانە ءارتۇرلى كليماتتىق جاعدايلاردا بىردەي ءتيىمدى جۇمىس ىستەيتىن امبەباپ ءونىم جوق. ءار ايماق تۇراقتاندىرعىشتاردى تاڭداۋدا ءار ءتۇرلى ءتاسىلدى قاجەت ەتەدى. ماتەريالداردى ىرىكتەۋدەگى قاتەلىكتەر جۇرگىزىلەتىن جۇمىستاردىڭ تيىمدىلىگىن تومەندەتىپ، جولداردىڭ ساپاسىن ەداۋىر ناشارلاتۋى مۇمكىن»، - دەپ اتاپ ءوتتى «قازجولعزي» اق جاڭا تەحنولوگيالار باسقارماسىنىڭ جەتەكشى ينجەنەرى اسەمگۇل نىعمەتوۆا.
زەرتتەۋلەر باتىس-قازاقستان جانە اقتوبە وبلىستارىندا باستالدى، وندا جەرگىلىكتى اتقارۋشى ورگاندار اۆتوموبيل جولدارىنىڭ ساپاسىن جاقسارتۋ ءۇشىن عىلىمي-تەحنيكالىق سۇيەمەلدەۋگە قىزىعۋشىلىق ءبىلدىرىپ، «قازجولعزي» اق عالىمدارىمەن ءتيىستى مەموراندۋمعا قول قويدى. «قازجولعزي» ماماندارى ەڭ ءتيىمدى شەشىمدەردى تاڭداۋ ءۇشىن ءاربىر كليماتتىق ايماق ءۇشىن ماتەريالدارعا ەگجەي-تەگجەيلى تەستىلەۋ جۇرگىزەدى. زەرتتەۋ ناتيجەلەرى بويىنشا مەردىگەر ۇيىمدارعا توپىراق تۇرىنە جانە كليماتتىق جاعدايلارعا بايلانىستى توپىراق تۇراقتاندىرعىشتارىن وڭتايلى پايدالانۋ بويىنشا ۇسىنىستار ازىرلەنەتىن بولادى. بۇل بۇكىل ەل بويىنشا جول نەگىزدەرىنىڭ ساپاسىن جاقسارتۋعا جانە جولداردىڭ قىزمەت ەتۋ مەرزىمىن ۇزارتۋعا مۇمكىندىك بەرەدى.