اتوم ەلەكتر ستانسياسىن سالۋ بويىنشا رەسپۋبليكالىق رەفەرەندۋمعا العاشقىلاردىڭ ءبىرى بولىپ قىتايدا شەتەلدىك داۋىس بەرۋ ۋچاسكەلەرى اشىلدى.
بۇل ۋچاسكەلەر قازاقستاننىڭ بەيجىڭ، شانحاي جانە گونكونگتاعى ديپلوماتيالىق وكىلدىكتەرىنىڭ اۋماعىندا ۇيىمداستىرىلعان. №389 رەفەرەندۋم ۋچاسكەسى قازاقستاننىڭ قىتايداعى ەلشىلىگىنىڭ عيماراتىندا، بەيجىڭ قالاسىندا ورنالاسقان.
«رەفەرەندۋمعا دايىندىق جۇمىستارى ءجۇرىپ جاتىر. داۋىس بەرۋ كۇنى، ورنى جانە ۋاقىتى تۋرالى اقپارات تاراتىلدى،» - دەپ حابارلادى №389 ۋچاسكەسىندەگى سايلاۋ كوميسسياسىنىڭ ءتوراعاسى نۇرلان اققوشقاروۆ.
ونىڭ ايتۋىنشا، №389 رەفەرەندۋم ۋچاسكەسىندە بەيجىڭنىڭ جوعارى وقۋ ورىندارىندا وقيتىن ستۋدەنتتەر، قىتايدا ۋاقىتشا جۇمىس ىستەيتىن جانە تۇراتىن قازاقستاندىق ازاماتتار، سونداي-اق تۋريستەر مەن ءىسساپاردا جۇرگەن ازاماتتار داۋىس بەرەدى دەپ كۇتىلۋدە.
بەيجىڭ، شانحاي جانە گونكونگتاعى رەفەرەندۋم ۋچاسكەلەرى جەرگىلىكتى ۋاقىت بويىنشا ساعات 7:00-دە اشىلىپ، 20:00-دە جابىلادى.