ەلىمىزدە جەرلەۋ ءراسىمى قىمباتتاپ كەتتى

ءبىر جىلدا قىزمەت كورسەتۋ كولەمى ءۇش ەسەگە وسكەن.

قازاقستاندىقتار ءۇشىن جەرلەۋ قىزمەتى 25 پايىزعا قىمباتتادى، دەپ حابارلايدى Almaty-akshamy.kz Finprom.kz-كە سىلتەمە جاساپ.

2022 جىلعى قاڭتار-جەلتوقساندا جەرلەۋ قىزمەتتەرىنىڭ كولەمى 13،9 ملرد تەڭگە بولعان، بۇل 2021 جىلدىڭ قاڭتار-جەلتوقسانىمەن سالىستىرعاندا 2،9 ەسەگە ارتىق.

سونىمەن قاتار، ساراپشىلاردىڭ ايتۋىنشا، 2022 جىلدىڭ قاڭتار-جەلتوقسانىندا 134،7 مىڭ ادام قايتىس بولعان.

شاماسى، بۇل سالاداعى قىزمەت كورسەتۋ كولەمىنىڭ ءوسۋى باعانىڭ كۇرت وسۋىنە بايلانىستى.

"2023 جىلدىڭ ناۋرىز ايىنىڭ قورىتىندىسى بويىنشا جەرلەۋ قىزمەتتەرى ءبىر جىلدا بىردەن 24،6%-عا قىمباتتادى. سالىستىرۋ ءۇشىن: وتكەن جىلدىڭ ناۋرىزىندا ءوسىم 9،3%، 2021 جىلدىڭ ناۋرىزىندا - 6،1%، 2020 جىلدىڭ ناۋرىزىندا - 2، 2 %»، - دەلىنگەن حابارلامادا.

مىنا ايماقتاردا جەرلەۋ قىزمەتتەرىنىڭ قۇنى ءبىر جىل ىشىندە ايتارلىقتاي قىمباتتاعان:

ماڭعىستاۋ وبلىسىندا – 61،8%-عا؛

قىزىلوردا وبلىسىندا – 59،1%-عا؛

سولتۇستىك قازاقستان وبلىسىندا – 52،7%-عا.

سونداي-اق اقتوبە مەن جەتىسۋ وبلىستارىندا جەرلەۋ قىزمەتتەرى 1،5 ەسەگە قىمباتتادى.

سالاداعى بارلىق قىزمەتتەردىڭ ەڭ ازى باتىس قازاقستان (4،9%-عا)، ۇلىتاۋ (10%-عا) جانە اقمولا (10،1%-عا) وبلىستارىندا قىمباتتادى. اتىراۋ، قوستاناي جانە تۇركىستان وبلىستارىندا، سونداي-اق ەلوردادا عۇرىپتىق قىزمەتتەردىڭ قۇنى وزگەرىسسىز قالدى.

2023 جىلدىڭ باسىندا ەربولات دوسايەۆ الماتىدا 30 زيراتتى جابۋ جوسپارلانعانىن حابارلادى.