ەلىمىزدە جەكەمەنشىك مەكتەپتەردەگى وقۋ اقىسى ارزانداۋى مۇمكىن

وقۋ-اعارتۋ مينيسترلىگىنىڭ جاڭا بۇيرىعىنىڭ جوباسىنا سايكەس،  بالانى جەكە مەكتەپتە وقىتۋ تولەمىنىڭ شەكتى مولشەرى 2 ەسە تومەندەتىلۋى مۇمكىن. قۇجات اشىق نقا پورتالىندا قوعام تالقىلاۋىنا ۇسىنىلدى، دەپ حابارلايدى Almaty-akshamy.kz. 

بۇعان دەيىن شەكتى مولشەر 1200 اەك مولشەرىندە بولسا، ەندى ونى 600 ايلىق ەسەپتىك كورسەتكىشكە دەيىن ازايتۋ كوزدەلىپ وتىر.

سونىمەن قاتار، حالىقارالىق اككرەديتاسياعا يە وزىندىك وقۋ باعدارلاماسى بار مەكتەپتەر ءۇشىن دە وقۋ اقىسىنىڭ شەكتى مولشەرى 2 ەسە (2400 اەك-تەن 1200 اەك-كە) ازايادى.

بۇل رەتتە اتالعان شەكتى مولشەرگە ءبىلىم الۋشىلاردىڭ تۇرۋ (ينتەرناتتىق ۇيىمدار)، ولاردى جەكەمەنشىك ورتا ءبىلىم بەرۋ ۇيىمىنا جەتكىزۋ جانە (نەمەسە) كەرى قاراي تاسىمالداۋ، مەملەكەتتىك جالپىعا مىندەتتى ءبىلىم بەرۋ ستاندارتتارىنان تىس قوسىمشا ءبىلىم بەرۋ قىزمەتتەرى مەن ءبىلىم بەرۋ، سونداي-اق ەرىكتى تۇردە جۇزەگە اسىرىلاتىن ءبىلىم الۋشىلاردىڭ تاماقتانۋى ءۇشىن تولەماقى قوسىلمايتىنىن ايتا كەتۋ كەرەك.

«وزگەرىس 2024 جىلعى 1 قاڭتاردان باستاپ قولدانىسقا ەنگىزىلەدى. بۇل مەرزىم جەكەمەنشىك ورتا ءبىلىم بەرۋ ۇيىمدارىنىڭ ءبىلىم الۋشىلاردىڭ زاڭدى وكىلدەرىمەن ءوز قىزمەتتەرىنە شارتتار دايىنداۋى جانە رەسىمدەۋى نە اتا-انالىق تولەمدى تومەندەتۋ بولىگىندە قولدانىستاعى شارتتار بويىنشا قوسىمشا كەلىسىمدەر جاساسۋى، سونداي-اق ۇيىمنىڭ جاڭا باعا سەگمەنتىندە دامۋىن قارجىلىق جوسپارلاۋ ءۇشىن جەتكىلىكتى. جەكەمەنشىك ءبىلىم بەرۋ ۇيىمدارىندا بالالار ءۇشىن وقۋدىڭ قولجەتىمدىلىگىن ارتتىرۋ ماقساتىندا اتا-انالىق تولەماقىنىڭ مولشەرىن 50 پايىزعا قىسقارتۋ كوزدەلەدى»، دەلىنگەن قۇجاتتا.