"جاستار" عىلىمي-زەرتتەۋ ورتالىعى مادەنيەت جانە اقپارات مينيسترلىگىنە "قازاقستان جاستارى" الەۋمەتتىك زەرتتەۋىنىڭ ناتيجەلەرىن تانىستىردى.
ساراپشىلار جاستار ورتاسىنداعى باستى قۇندىلىقتار مەن مۇددەلەردى اتاپ ءوتتى. زەرتتەۋگە 14 پەن 34 جاس ارالىعىنداعى 2000 رەسپوندەنت قاتىسقان، دەپ حابارلايدى aqshamnews.kz.
ساۋالناما ناتيجەلەرى بويىنشا كوپشىلىگى (80،1%) وتباسىن نەگىزگى ومىرلىك قۇندىلىق دەپ سانايدى. وسىنداي ناتيجەلەردىڭ قورىتىندىسى ءتورت جىل قاتارىنان كورىنۋدە.
ۇيدە كۇندەلىكتى ومىردە جاستار قازاق تىلىندە ءجيى سويلەيدى (72،9%).
قاتىسۋشىلار سونداي-اق جاس ۇرپاقتىڭ ءومىر ءسۇرۋ ساپاسى مەن بولاشاعىن جاقسارتۋعا باعىتتالعان تاجىريبەلەرىمەن جانە ازىرلەمەلەرىمەن ءبولىستى. مۇنداي زەرتتەۋلەر جاستار ساياساتىنىڭ ءتيىمدى ستراتەگياسىن قۇرۋ ءۇشىن قاجەت.