قازاقستاندىقتار تۇزدى تىم كوپ، جەمىس-جيدەكتى وتە از تۇتىنادى.
ۇكىمەت وتىرىسىندا دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىن كەلتىرگەن ق ر دەنساۋلىق ساقتاۋ ءمينيسترى اجار عينيات وسىنداي مالىمدەمە جاسادى، دەپ حابارلايدى Almaty-akshamy.kz
«دۇنيەجۇزىلىك دەنساۋلىق ساقتاۋ ۇيىمىنىڭ زەرتتەۋلەرى بويىنشا، ەر ادامدار ءۇشىن الكوگولدى تۇتىنۋ دەڭگەيى جىلىنا 25 ءليتردى، ايەلدەر ءۇشىن – شامامەن 9 ءليتردى قۇرايدى. وكىنىشكە وراي، وسى كورسەتكىش بويىنشا قازاقستان الكوگولدىك ىشىمدىكتەردى تۇتىنۋ دەڭگەيى جوعارى ەلدەرگە جاتادى. كوپ جاعدايدا جول-كولىك وقيعالارى، جاراقاتتار، زورلىق-زومبىلىقتان بولعان ءولىم، ۋلانۋ، سۋعا باتۋ سياقتى سىرتقى سەبەپتەردەن بولاتىن ءولىم-جىتىم كورسەتكىشتەرى الكوگولدىك ىشىمدىكتەردى تۇتىنۋدىڭ سالدارى بولىپ وتىر»، - دەدى اجار عينيات.
سونىمەن قاتار، ول قازاقستاندىقتار اراسىندا تۇزدى تاعامدى پايدالانۋ دەڭگەيى تىم جوعارى ەكەنىنە الاڭداۋشىلىق ءبىلدىردى.
«دۇنيەجۇزىلىك دەنساۋلىق ساقتاۋ ۇيىمى ۇسىنعان نورما بويىنشا حالىق تاعام قۇرامىندا تاۋلىگىنە 5 گرامم تۇز تۇتىنۋى قاجەت. قازاقستاندا بۇل كورسەتكىش 18 گرامم ەكەنىن اتاپ وتكىم كەلەدى. VI ۇلتتىق ءومىر سالتىن زەرتتەۋ دەرەكتەرى بويىنشا، كوكونىستەر مەن جەمىستەردى تۇتىنۋ تاۋلىگىنە 200-230 گرامدى قۇرايدى. ال دۇنيەجۇزىلىك دەنساۋلىق ساقتاۋ ۇيىمى ۇسىنعان نورما بويىنشا، تاۋلىگىنە 400-500 گرامدى قۇراۋ كەرەك. قازاقستان ورتالىق ازيا مەن ەۋروپانىڭ دۇرىس تاماقتانبايتىن 21 ەلىنىڭ اراسىندا 9-شى ورىندا تۇر»، - دەدى مينيستر.