ۇكىمەت وتىرىسىندا پرەمەر-مينيستر جاساندى ينتەللەكتىنى دامىتۋدىڭ 2029 جىلعا دەيىنگى تۇجىرىمداماسى مەن جاساندى ينتەللەكت تۋرالى جاڭا زاڭ اياسىندا سيفرلىق ترانسفورماسيالاۋ جانە ءتيىستى شەشىمدەردى ەنگىزۋ جۇمىستارىن كۇشەيتۋ ءۇشىن ءبىرقاتار تاپسىرما بەردى، دەپ حابارلايدى aqshamnews.kz.
حالىقتىڭ جاساندى ينتەللەكت سالاسىنداعى جاڭالىقتاردان حاباردارلىعىنىڭ تومەندىگىن ەسكەرە وتىرىپ، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە قولدانىستاعى سيفرلىق شەشىمدەردى ودان ءارى جەتىلدىرۋ جانە ولاردى پايدالانۋ تۋرالى جۇرتشىلىقتى اقپاراتتاندىرۋ مىندەتى قويىلدى.
سونىمەن قاتار پرەمەر-مينيستر سيفرلىق دامۋ مينيسترلىگىنە ءوڭىر اكىمدەرىمەن بىرگە كەلەسى جىلى مەملەكەتتىك ورگانداردىڭ قىزمەتكەرلەرىن جاساندى ينتەللەكت قۇرالدارىنا وقىتۋ جونىندە شارالار قابىلداۋدى تاپسىردى. عىلىم جانە جوعارى ءبىلىم مينيسترلىگى جاساندى ينتەللەكت بويىنشا ءبىلىم بەرۋ باعدارلامالارى مەن كۋرستارىن دايىنداۋى كەرەك.