الماتى قالاسىنىڭ وڭىرلىك كوممۋنيكاسيالار قىزمەتى ۇلى وتان سوعىسىنىڭ قاتىسۋشىسى، قازاقتىڭ كورنەكتى جازۋشىسى جانە جۋرناليست ءابدىجاميل نۇرپەيىسوۆتىڭ 100 جىلدىعىنا ارنالعان سپارتاكيادا ۇيىمداستىردى. شارا باعدارلاماسىنا ميني-فۋتبول جانە ۆولەيبول جارىستارى ەندى.
مەرەكەلىك شارانىڭ باستى ماقساتى – ب ا ق وكىلدەرى مەن بلوگەرلەر اراسىنداعى بايلانىستى نىعايتۋ جانە سالاۋاتتى ءومىر سالتىن ناسيحاتتاۋ. جارىسقا نۋر.كز، «سپورت پليۋس قازاقستان»، «مەديا ليس» كومانداسى، سما، «الاتاۋ اقپارات»، الماتى تۆ جانە باسقا دا مەديا وكىلدەرى مەن بلوگەرلەردىڭ كوماندالارى قاتىستى.
تۋرنير دوستىق ءارى ىنتىماقتاستىق اتموسفەراسىندا ءوتتى. ول جۋرناليستەر مەن بلوگەرلەر ءۇشىن بەيرەسمي قارىم-قاتىناس ورناتىپ، تاجىريبە جانە يدەيالار الماسۋعا تاماشا الاڭ بولدى.
جارىس ناتيجەسىندە:
- 1-ورىن – «باسكەتبول» كومانداسى؛
- 2-ورىن – «سپورت پليۋس قازاقستان» كومانداسى؛
- 3-ورىن – نۋر.كز كومانداسى.
مۇنداي ءىس-شارالار كاسىبي جانە ادامي قارىم-قاتىناستى نىعايتۋعا، سونىمەن قاتار سپورتتى قوعام ءومىرىنىڭ اجىراماس بولىگى رەتىندە ناسيحاتتاۋعا ىقپال ەتەدى.