«بالداۋرەن» لاگەرىندە جاس گەولوگتاردىڭ VI قازاقستاندىق اشىق دالالىق وليمپياداسىنىڭ اشىلۋ سالتاناتى ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
اشىلۋ سالتاناتىنا ەكولوگيا، گەولوگيا جانە تابيعي رەسۋرستار مينيسترلىگىنىڭ ۆيسە-مينيسترى ت.مومىشيەۆ، گەولوگيا كوميتەتى ءتوراعاسىنىڭ ورىنباسارلارى، «ۇلتتىق گەولوگيالىق قىزمەت» اق ۋاكىلەتتى تۇلعاسى ج. كاريبايەۆ، اقمولا وبلىسى اكىمدىگىنىڭ وكىلدەرى، وليمپيادا دەمەۋشىلەرى – ۇلتتىق كومپانيالاردىڭ باسشىلارى قاتىستى. ءىس-شارانى ۆيسە-مينيستر ت.مومىشيەۆ قۇتتىقتاۋ سوزىمەن اشتى. ول ءوز سوزىندە وسىنداي ءىس-شارالارعا قاتىسۋدىڭ گەولوگتاردىڭ جاڭا ۇرپاعىن دايىنداۋ مەن قالىپتاستىرۋعا وراسان زور ىقپال ەتەتىنىن، وقۋشىلاردىڭ ءوي-ورىسىن كەڭەيتىپ، ەلدەر اراسىنداعى دوستىق قارىم-قاتىناستى نىعايتا تۇسەتىنىن اتاپ ءوتتى.
وليمپياداعا قازاقستان رەسپۋبليكاسىنىڭ استاناسى مەن ايماقتارىنان كەلگەن 7-11 سىنىپ وقۋشىلارى قاتىسۋدا. 2010 جىلى وتكەن 1ء-شى قازاقستاندىق وليمپياداعا نەبارى 8 كوماندا قاتىسقان بولاتىن. ال، بيىلعى VI وليمپياداعا ءقازىردىڭ وزىندە 15-تەن استام كوماندالار قاتىسۋدا، ولاردىڭ ىشىندە تاتارستان رەسپۋبليكاسى (رەسەي فەدەراسياسى)، بەلارۋس جانە وزبەكستان سياقتى ەلدەردىڭ كوماندالارى بار ەكەنىن ايتا كەتۋ كەرەك. جاس گەولوگتار كوماندالارىنىڭ سانى عانا كوبەيىپ قويماي، سونىمەن قاتار ولاردىڭ دايىندىق دەڭگەيىنىڭ جوعارىلاعانى بايقالدى.
مينيسترلىك مەملەكەت باسشىسى جاريالاعان «بالالار جىلى» قارساڭىندا، جارىسقا قاتىسۋشىلاردىڭ الدىڭعى ورىندارعا يە بولعاندارىنا ق.ي. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىنە وقۋعا ءۇش گرانت بەرۋدى جوسپارلاپ وتىر. «جاس گەولوگ» قك گەولوگيا كوميتەتىنىڭ قولداۋىمەن 2012 جىلدىڭ قاڭتارىندا قۇرىلدى.
قوردىڭ نەگىزگى مىندەتى ەرتە كاسىبي باعدار بەرۋ جۇمىسىن جۇرگىزۋ، جاس گەولوگتاردىڭ قازاقستاندىق دالالىق وليمپيادالارىن ۇيىمداستىرۋ جانە وتكىزۋ، جاس گەولوگتار ۇيىرمەلەرىنىڭ جەلىسىن كەڭەيتۋ، دارىندى جاستاردى قولداۋ بولىپ تابىلادى. قازاقستاننىڭ جاس گەولوگتارى رەسپۋبليكالىق وليمپيادالارعا قاتىسۋمەن قاتار، حالىقارالىق وليمپيادالاردا دا ەل نامىسىن تابىستى قورعاپ ءجۇر. قازاقستاندىق جاس گەولوگتار كوماندالارى برازيليادا (2015)، جاپونيادا (2016)، فرانسيادا (2017)، تايلاندتا (2018) وتكەن IESO-نىڭ جەكە جانە كوماندالىق جارىستارىندا التىن، كۇمىس جانە قولا جۇلدەنى جەڭىپ الدى.