بۇل تۋرالى ەنەرگەتيكا ءمينيسترى بولات اقشولاقوۆ ورتالىق كوممۋنيكاسيالار قىزمەتى الاڭىندا وتكەن بريفينگتە ايتتى، دەپ حابارلايدى Almaty-akshamy.kz.
مينيستر ەلىمىزدە جانار-جاعارمايدىڭ جاعدايىن رەتتەۋ ءۇشىن ءتۇرلى شارالار قابىلدانعانىن ەسكە سالدى.
«جانارمايدى تەمىر جول جانە كولىكپەن شىعارۋعا تىيىم سالىندى. سونداي-اق رەسۋرس يەلەرىنە جانارمايدى تىكەلەي جانارماي ستانسيالارىنا ساتۋعا مىندەتتەيتىن زاڭنامالىق نورمالار قابىلداندى»، - دەدى اقشولاقوۆ.
سوزىنشە، سونىمەن بىرگە مۇنايدى جەتكىزۋ جانە مۇناي ونىمدەرىن ساتۋ كەزىندەگى ءونىمسىز دەلدالدار الىنىپ تاستالدى.
«بۇدان باسقا، بىلتىردىڭ تامىز ايىندا ءبىز تاپشىلىقتى ازايتۋ ءۇشىن سارالانعان باعا (450 تەڭگە) جانە ليميتتەر (300 ليترگە دەيىن) ەنگىزدىك. ءبىراق بارلىق شەكتەۋگە قاراماستان، «كولەڭكەلى ەكسپورت» ارقىلى وتىندى شىعارۋ مۇمكىندىكتەرى تابىلدى»، - دەپ ءتۇسىندىردى ول.
ءمينيستردىڭ ايتۋىنا قاراعاندا، تاپشىلىقتى بولدىرماۋ ءۇشىن ەلىمىز شۇعىل تۇردە قىمبات يمپورتتىق وتىندى ساتىپ الۋعا ءماجبۇر بولىپ وتىر.