ۇكىمەتكە بۇل كاسىبي مەرەكەنى رەسمي تۇردە تىركەۋگە «اتامەكەن» ۇكپ ۇسىنىس جاساعان.
قاۋلى بەكىتىلگەننەن كەيىن كۇنتىزبەدە 9 قىركۇيەك – قازاقستان كاسىپكەرلەرى كۇنى دەگەن جاڭا كاسىبي مەرەكە پايدا بولادى، دەپ حابارلايدى Almaty-akshamy.kz «اتامەكەن» ۇلتتىق كاسىپكەرلەر پالاتاسىنىڭ باسپا ءسوز قىزمەتىنە سىلتەمە جاساپ.
«قازاقستان كاسىپكەرلەرى كۇنى – شىن مانىندە جۇزدەگەن مىڭ قازاقستاندىق ءۇشىن وزەكتى ءارى ماڭىزدى كۇنگە اينالماق. ول بىرىكتىرۋشى فاكتور رەتىندە قىزمەت ەتەتىن بولادى. سوڭعى ەكى جىل كاسىپكەرلەر ءۇشىن وڭايعا سوقپادى. پاندەميا سالدارىنان ولار جاپپاي قىسقارتۋعا، باسقارۋ ءتۇرىن، بيزنەس فورماتىن اۋىستىرۋعا نەمەسە وڭتايلاندىرۋعا ءماجبۇر بولدى. بۇگىنگى بيزنەسمەندەر – باتىرلار. ولاردىڭ ەڭبەكتەرى ەلەنۋى ءتيىس»، — دەلىنگەن ۇكپ حابارلاماسىندا.
كاسىپكەرلەر كۇنى دەگەن مەرەكە اقش، ءۇندىستان، جۇڭگو، سونىمەن قاتار رەسەي، بەلارۋس، ۋكراينا، ءازىربايجان، قىرعىزستان جانە ارمەنيادا بار.