الماتى اكىمى باقىتجان ساعىنتايەۆ كوروناۆيرۋس ينفەكسياسىنىڭ تارالۋ ديناميكاسى تۋرالى ايتىپ، پاندەميانى توقتاتۋدىڭ جالعىز ءارى سەنىمدى ءتاسىلى ۆاكسينالانۋ ەكەنىن ەسكە سالدى، دەپ حابارلايدى almaty-akshamy.kz
«الماتى» تا-داعى Akimat LIVE باعدارلاماسىنىڭ تىكەلەي ەفيرىندە قالا اكىمى كۆي بويىنشا ەپيدەميولوگيالىق احۋالدىڭ شيەلەنىسە تۇسكەنىن حابارلادى. وتكەن تاۋلىكتە COVID-19-دىڭ 312 جاعدايى تىركەلدى، ونىڭ 303ء-ى سيمپتومدى. ەپيدەميا باستالعاننان بەرى 175 434 وقيعا تىركەلدى، ال جىل باسىنان بەرى تىركەلگەنى – 156 913 جاعداي.
كۆي دەرتىن جۇقتىرۋ بازالىق بولجام بويىنشا تۇراقتانۋدا ءارى تومەندەۋىن جالعاستىرۋدا. دەرتتىڭ تومەندەۋ قارقىنى ساقتالسا، وندا ايدىڭ سوڭىندا جۇقتىرۋ دەڭگەيى تاۋلىگىنە 300-دەن كەم بولادى دەپ بولجانۋدا.
وتكەن اپتادا، الدىڭعىمەن سالىستىرعاندا، ءۇي وشاقتارىندا ينفەكسيا 4%-عا، سونداي-اق جۇمىس ورنىندا 0،9%-عا، تۋىستارمەن، كورشىلەرىمەن جانە تانىستارىمەن بايلانىس كەزىندە 0،6%-عا ايتارلىقتاي ءوستى. سونداي-اق، قوعامدىق كولىكتە – 4،8%-عا، ساۋدا وبەكتىلەرىندە – 1،5%-عا جۇقتىرۋدىڭ كۇرت ءوسۋى بايقالادى.
وتكەن اپتادا نەگىزگى جۇقتىرۋ ورىندارى ساۋدا وبەكتىلەرى – 35%، قوعامدىق كولىك – 24%، وتباسىلارداعى بايلانىستار – 20% جانە بازارلاردا – 10%.
ينفەكسيالىق ستاسيونارلاردا 1 255 ادام، ونىڭ ىشىندە 31 بالا بار. جاعدايى وتە اۋىر – 57 پاسيەنت، اۋىر – 627، ورتاشا اۋىر – 571. ريتب-دە بارلىعى – 129 پاسيەنت بار. ءوجج اپپاراتىندا – 27 ناۋقاس، ءينۆازيۆتى ەمەس وجج-دە - 72، High flow-دا-20 اپپارات قولدانىستا.
وتكەن تاۋلىكتە ءبىرىنشى كومپونەنتپەن 1 581 ادام، ەكىنشى كومپونەنتپەن 2 691 ادام ۆاكسينالاندى. اعىمداعى جىلدىڭ 1 اقپانىنان 19 قازانعا دەيىنگى بارلىق كەزەڭدە ءى كومپونەنتپەن 981 759 ادام، II كومپونەنتپەن 906 264 ادام ۆاكسينالاندى.
باقىتجان ساعىنتايەۆ شەتەلدەردەگى، سونىڭ ىشىندە دەرتتىڭ كەزەكتى ءوسۋى تىركەلگەن رەسەيدەگى جاعدايعا نازار اۋداردى. سوندىقتان الماتى اكىمى تۇرعىنداردى كۆي پاندەمياسىنىڭ ورشۋىنە جول بەرمەۋگە، ۆاكسينا سالدىرۋدى كەيىنگە قالدىرماۋعا شاقىردى. ۆاكسينالانعان ءار ادام احۋالدى تۇراقتاندىرۋعا جانە شەكتەۋلەردى جويۋعا ايتارلىقتاي ۇلەس قوساتىن بولادى.