ەرجان باباقۇماروۆ «جاس مامان» جوباسى اياسىندا كوللەدجدەردىڭ جاڭعىرتىلۋىمەن تانىستى
الماتى قالاسى اكىمىنىڭ ورىنباسارى ەرجان باباقۇماروۆ الماتى قۇرىلىس-تەحنيكالىق جانە الماتى پوليتەحنيكالىق كوللەدجدەرىندە «جاس مامان» جوباسىنىڭ جۇزەگە اسىرىلۋ بارىسىن تەكسەردى، دەپ حابارلايدى Almaty-akshamy.kz
وقۋشىلاردى وندىرىستە پراكتيكالىق جۇمىسپەن قامتاماسىز ەتۋ ءۇشىن ءىرى كاسىپورىندارمەن دۋالدى وقىتۋدى دامىتۋ جانە ىنتىماقتاستىق قۇرۋ بويىنشا مىندەتتەردى بەلگىلەدى.
2021-2022 جىلدارى وسى جوبا شەڭبەرىندە كادرلار دايارلاۋعا مەملەكەتتىك تاپسىرىس 11 405 ورىنعا، ونىڭ ىشىندە «ەڭبەك» باعدارلاماسى بويىنشا 2500 ورىنعا ارنالعان 48 كوللەدجدە ورنالاستىرىلدى.
الماتى قۇرىلىس-تەحنيكلىق كوللەدجى وسى باعدارلاما اياسىندا 200-گە جۋىق ءتۇرلى ماقساتتاعى اپپاراتتار مەن جابدىقتاردى ساتىپ العان. تەحنيكالىق جاعىنان دانەكەرلەۋ ءىسى، جيھاز ءوندىرىسى، سانتەحنيكا جانە جىلىتۋ، قۇرعاق قۇرىلىس جۇمىستارى بويىنشا ءۇش شەبەرحانا جابدىقتالعان. جيھاز سەحىنا اعاشقا كەز-كەلگەن ۇلگىنى كەسەتىن، باعدارلامالىق-ساندىق جولمەن باسقارىلاتىن اپپارات ساتىپ الىندى. سونداي-اق، وڭدەۋگە ارنالعان فرەزەرلىك ستانوكتار مەن تىگىن ماشينالارى ساتىپ الىندى.
«ءبىزدىڭ كوللەدج قۇرىلىس-كوممۋنالدىق شارۋاشىلىق بەيىنى بويىنشا وقۋ-ادىستەمەلىك بىرلەستىك. مۇندا جيھاز ءوندىرىسىنىڭ ماماندارى دايىندالادى. ءبىزدىڭ وقۋ باعدارلامالارىمىز جيھاز ءوندىرىسىن قاراپايىمنان كۇردەلىگە دەيىن – كىشگىرىم بولشەكتەردى دايىنداۋ، جيھاز بەتىن تىگۋ جانە ت.ب. بولاتىنداي ەتىپ جاسالعان»، - دەيدى ديرەكتوردىڭ وقۋ-ادىستەمەلىك جۇمىسى جونىندەگى ورىنباسارى ازيز جاليلوۆ. ستۋدەنتتەر سەحتا وزدەرى پارتالار، ەسىكتەر، كوللەدج كابينەتتەرىنە ارنالعان ورىندىقتار دايىندايدى ەكەن.
الماتى قۇرىلىس-تەحنيكالىق كوللەدجى قالامىزدا كاسىبي سانتەحنيكتەردى دايىندايتىن جالعىز وقۋ ورنى. «جاس مامان» باعدارلاماسى اياسىندا بولاشاق سانتەحنيكتەر ءۇشىن جىلىتۋ جانە سۋمەن جابدىقتاۋ جۇيەلەرىن ورناتۋ مەن كۇيگە كەلتىرۋ بويىنشا مودۋلدەر، قول گيدراۆليكالىق سورعىسى بار ىلمەكتى ارماتۋراعا ارنالعان ستەندتەر، اۋا باپتاۋعا ارنالعان جۇيەلەر، دۋش كابيناسىن، ۆاننالار مەن ۋنيتازداردى قوسۋعا ارنالعان جۇيەلەر ساتىپ الىندى. كوللەدجدە قۇرعاق قۇرىلىس زەرتحاناسى بار، وندا ستۋدەنتتەر قابىرعالاردى جىلىتۋ، بوياۋ جانە باسقا دا جوندەۋ جۇمىستارى بويىنشا تاجىربيە جيناقتايدى.
«جاس مامان» باعدارلاماسى بىزگە كوللەدج ستۋدەنتتەرىنە ارنالعان جابدىقتاردى جاڭارتۋعا مۇمكىندىك بەرىپ، ستاندارتتارىمىزدى سايكەستەندىرۋ، ستۋدەنتتەرىمىزدى وندىرىستىك قىزمەتكە جاقىنداتۋ ارقىلى جاڭا دەڭگەيگە شىعۋ جولدارىن اشتى. ءبىزدىڭ كوللەدجدەگى ءاربىر جابدىق كۇنىنە التى ساعاتتان قولدانىلادى، بۇل ءبىزدىڭ شاكىرتتەردىڭ ەڭبەك نارىعىندا باسەكەگە قابىلەتتىلىگىن ارتتىرۋعا سەپتىگىن تيگىزۋدە، - دەپ اتاپ ءوتتى ديرەكتوردىڭ وقۋ-ادىستەمەلىك جۇمىسى جونىندەگى ورىنباسارى ازيز جاليلوۆ.
سونداي-اق، اكىم ورىنباسارى ەرجان باباقۇماروۆ الماتى پوليتەحنيكالىق كوللەدجىنە بارىپ، «جاس مامان» جوباسىن ىسكە اسىرۋ اياسىندا اقپان ايىندا اشىلعان IT-ورتالىعىمەن جەكە تانىستى. ورتالىقتا كومپيۋتەرلىك-اپپاراتتىق قامتاماسىز ەتۋ بويىنشا ستۋدەنت-تەحنيكتەر، اۋديو جانە بەينەوپەراتورلار، تەحنيكا-مەحانيكتەر وقۋدان وتەدى.
«ءبىز ءاربىر باعىت بويىنشا جۇمىس بەرۋشىلەرمەن كەلىسە وتىرىپ، ءتيىستى جابدىق ساتىپ الدىق. ستۋدەنتتەر كاسىپورىنداردا سۇرانىسقا يە جابدىقتارمەن جۇمىس ىستەيدى. جابدىقتار ءبىزدىڭ ستۋدەنتتەرگە بۇكىل ءوندىرىس پروسەسىن كورۋگە مۇمكىندىك بەرەدى. ولار زاۋىتقا بارعاندا، قانداي قۇرىلعى قالاي جۇمىس ىستەيتىنىن بىلەتىن بولادى. «جاس مامان» باعدارلاماسىنىڭ ارقاسىندا ءبىز ستۋدەنتتەرىمىزگە كوبىرەك ءبىلىم مەن تاجىريبە بەرە الامىز»، - دەيدى كوللەدج ديرەكتورىنىڭ وقۋ-ادىستەمەلىك بىرلەستىك جونىندەگى ورىنباسارى مارجان مالىكوۆا.
بۇعان دەيىن الماتى قالاسى اكىمىنىڭ ورىنباسارى ەرجان باباقۇماروۆ ەنەرگەتيكا جانە ەلەكتروندىق تەحنولوگيالار كوللەدجىنە، سونداي-اق كوپسالالى كوللەدجگە بارىپ، «جاس مامان» جوباسىنىڭ جۇزەگە اسىرىلۋ بارىسىمەن جانە ماتەريالدىق-تەحنيكالىق جاراقتانۋ دەڭگەيىمەن تانىستى.
«جاس مامان» جوباسى قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆتىڭ جاستار جىلىنىڭ سالتاناتتى اشىلۋ راسىمىندە 2019 جىلعى 23 قاڭتاردا بەرگەن تاپسىرماسىنا سايكەس ازىرلەندى.
انىقتاما ءۇشىن: «جاس مامان» جوباسىنىڭ نەگىزگى ماقساتى – 100 سۇرانىسقا يە ماماندىق بويىنشا كوللەدجدەر مەن جوعارى وقۋ ورنىن جاڭعىرتۋ مەن بىلىكتى ماماندار دايارلاۋدىڭ حالىقارالىق تاجىريبەسىن ەنگىزۋ. ماقساتقا جەتۋ جولىندا الماتىدا مىنانداي كەشەندى جۇمىستار جۇرگىزىلۋدە:
- سۇرانىسقا يە ماماندىقتار بويىنشا ماماندار دايارلايتىن 18 كوللەدج ىرىكتەلدى؛
- ءبىلىم بەرۋ پروسەسىن جاڭعىرتۋ، وقىتۋشىلار مەن وندىرىستىك وقىتۋ شەبەرلەرىن جەتىلدىرۋ مەن مالىمدەلگەن كاسىپ بويىنشا حالىقارالىق ستاندارتتار نەگىزىندە ءبىلىم بەرۋ باعدارلاماسىن جاساۋعا جاردەمدەسۋ ءۇشىن شەتەلدىك ارىپتەستەردى تارتۋ؛
- كوللەدجدەرگە - كوللەدجدەرگە جابدىقتار ساتىپ الىنادى.
جوبانىڭ ىسكە اسۋى ناتيجەسىندە وقۋ ۇيىمدارى رەسپۋبليكالىق جانە حالىقارالىق دەڭگەيدە تالاپ ەتىلەتىن مامانداردى دايارلاۋ ءۇشىن قاجەتتى قازىرگى زامانعى جابدىقتارمەن جاراقتاندىرىلاتىن بولادى، مالىمدەلگەن كاسىپ بويىنشا ءوز ءوڭىرى ءۇشىن قۇزىرەتتىلىك ورتالىقتارىنا اينالىپ، الەمدىك WorldSkills چەمپيوناتتارىنا قاتىسۋشىلاردى دايارلاۋعا مۇمكىندىك الادى.