جىلدىق ينفلياسيا دەڭگەيى 17،7% قۇرادى.
قىركۇيەكتەگى ينفلياسيا دەڭگەيى تامىزبەن سالىستىرعاندا 1،8%-عا ءوستى، دەپ حابارلايدى Almaty-akshamy.kz قازاقستان ۇلتتىق ستاتيستيكا بيۋروسىنا سىلتەمە جاساپ.
قىركۇيەك ايىندا ينفلياسيانىڭ ەڭ جوعارى ءوسىم قارقىنى اقىلى قىزمەتتەردە بايقالدى – 2،7% (2022 ج. تامىزدا-1،6%)، ازىق-تۇلىككە جاتپايتىن تاۋارلار 1،9%-عا قىمباتتادى، تبي قۇرىلىمىنداعى قىمباتتاۋدىڭ ەڭ تومەن قارقىنى ازىق-تۇلىك تاۋارلارىندا –1،2%.
اقىلى قىزمەتتەر اراسىندا ءبىر ايدىڭ ىشىندە ەڭ جوعارى ءوسىم تۇرعىن ءۇيدى جالعا بەرۋ سالاسىندا بايقالدى – 13،1%، ءبىلىم بەرۋ قىزمەتتەرى 7،1%-كە ءوستى.
«ازىق- تۇلىككە جاتپايتىن تاۋارلاردىڭ ىشىنەن جيھاز بەن تۇرمىستىق زاتتار باعاسى 5%-عا كوتەرىلدى، جۋۋ جانە تازالاۋ قۇرالدارى 4،4%-كە، جەكە پايدالانۋعا ارنالعان تاۋارلار 2%-عا، كيىم مەن اياق كيىم 1،9%-عا قىمباتتادى. وتىن باعاسى 3%-عا، تاس كومىر 2،9%-عا، باللوندارداعى سۇيىتىلعان گاز 1،5%-عا ءوستى»، - دەلىنگەن حابارلامادا.
ازىق-تۇلىك تاۋارلارىنىڭ باعاسى ءبىر ايدا (2022 ج. قىركۇيەكتە) 1،2% ءوستى. جۇمىرتقا باعاسى 7،5%-عا، كۇنباعىس مايى 4،6%-عا، كۇرىش، ماكارون ونىمدەرى ءارقايسىسى 4،1%-عا، توقاش جانە ۇن ونىمدەرى 3،8%-عا، جارمالار 3،2%-عا، كونديتەر ونىمدەرى 3،1%-عا ءوستى. بۇل رەتتە، جاڭا پىسكەن كوكونىستەر باعاسى 10،2%-عا، كارتوپ 8،5%-عا، قۇمشەكەر 5،2%-عا، جاڭا پىسكەن جەمىستەر 3%-عا ارزاندادى.
جىلدىق ينفلياسيا دەڭگەيى 17،7% قۇرادى. 2022 جىلعى قىركۇيەكتە ازىق-تۇلىك تاۋارلارىنىڭ باعاسى وتكەن جىلعى قىركۇيەكپەن سالىستىرعاندا 22،2%-عا ءوستى، ازىق-تۇلىككە جاتپايتىن تاۋارلار 17%-عا، اقىلى قىزمەتتەر 12،3%-عا كوتەرىلدى.