جانۋاردىڭ ولىمىنە اكەلىپ سوققان جاعدايلار ءۇشىن قاتاڭ جاۋاپكەرشىلىك جۇكتەلەدى. كىنالى تۇلعاعا 200 ايلىق ەسەپتىك كورسەتكىش كولەمىندە ايىپپۇل سالىنادى، دەپ حابارلايدى almaty-akshamy.kz
قىلمىستى ەكى قايتارا جاساعاندار 1 جىلعا دەيىن باس بوستاندىعىنان ايىرىلادى. بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگى حابارلادى. ءقازىر ەلدە «جانۋارلارعا جاۋاپكەرشىلىكپەن قاراۋ تۋرالى» زاڭ جوباسى پارلامەنتتە قارالىپ جاتىر.
ۇسىنىلعان زاڭ جوباسى جانۋارلارعا قاتىستى جاعىمسىز جاعدايلارعا توسقاۋىل قويادى. مۇندايعا يتتەردىڭ توبەلەسىن وتكىزۋ، انەستەزياسىز ۆەتەرينارلىق وپەراسيا جاساۋ، السىرەتۋ جانە ۋاقىتىلى كومەك كورسەتپەۋ، قاتىگەزدىكپەن ءولتىرۋ سىندى ارەكەتتەر كىرەدى.
سونداي-اق يت، مىسىق، توتىقۇس جانە تىشقانداردىڭ ەتى مەن مايىن پايدالانۋعا، جەۋگە العاش رەت زاڭ بويىنشا تىيىم سالىنباق.