ق ر پرەمەر-مينيسترىنىڭ ورىنباسارى تامارا دۇيسەنوۆا ءماجىلىستىڭ جالپى وتىرىسىندا حالىقتى جۇمىسپەن قامتۋ، شاعىن جانە ورتا بيزنەستى دامىتۋ جونىندەگى شارالار تۋرالى ايتتى، دەپ حابارلايدى Almaty-akshamy.kz.
Primeminister.kzء-تىڭ حابارلاۋىنشا، ول جاستار ساناتىنا جاتاتىن تۇلعالاردىڭ جاس مولشەرى 35-كە دەيىن ۇلعايتىلعانىن ەسكە سالدى. بۇل 6 ملن-عا جۋىق ازاماتتىڭ مەملەكەتتىك قولداۋ شارالارىن، ونىڭ ىشىندە جۇمىسپەن قامتۋ بولىگىن ءتيىمدى پايدالانۋعا مۇمكىندىك بەردى.
«اعىمداعى جىلى 20 وڭىردە جۇمىسپەن قامتۋ جوسپارى ىسكە اسىرىلۋدا. ولاردا العاش رەت ايماقتاردىڭ وڭىرلىك ەڭبەك نارىعىنىڭ ەرەكشەلىگى ەسكەرىلىپ، تيىسىنشە مەملەكەتتىك قولداۋ شارالارى سارالاندى. 1 قازانداعى جاعداي بويىنشا 715 مىڭنان استام ادام جاڭا، بوس جانە مەملەكەت سۋبسيديالايتىن جۇمىس ورىندارىنا ورنالاستىرىلدى، ونىڭ جارتىسى – جاستار»، — دەدى ۆيسە-پرەمەر.
تامارا دۇيسەنوۆانىڭ ايتۋىنشا، ۇكىمەت جۇزەگە اسىرىپ وتىرعان ينۆەستيسيالىق جوبالاردىڭ ورنى ەرەكشە. ماسەلەن، بيىل جالپى سوماسى 273 ميلليارد تەڭگەدەن اساتىن قارجىعا 64 جوبا جۇزەگە اسىرىلا باستادى. سونىڭ ارقاسىندا 12 مىڭنان اسا جۇمىس ورنى اشىلادى دەپ كۇتىلۋدە.
«جالپى، ۇكىمەت ونەركاسىپتىڭ ءتۇرلى سالالارىندا ساپالى جانە تۇراقتى جۇمىس ورىندارى اشۋ ءۇشىن الداعى جىلدارى وسىنداي 800 ينۆەستيسيالىق جوبانى ىسكە اسىرۋدى جوسپارلاپ وتىر»، — دەدى تامارا دۇيسەنوۆا.
ول ۇكىمەتتە شاعىن جانە ورتا بيزنەستى قولداۋ جانە دامىتۋ جونىندە كەشەندى باعدارلاما ازىرلەنىپ جاتقانىن اتاپ ءوتتى.
«بۇگىندە “تازا پاراقتان رەتتەۋ” قاعيداتىن بايقاپ كوردىك. ءبىر جارىم جىل ىشىندە 44 سالا بويىنشا 128 مىڭ تالاپ ساراپتالدى. ونىڭ 9 مىڭى جاڭا رەتتەۋشى ساياساتتىڭ شارتتارىنا سايكەس كەلمەيدى»، — دەپ اتاپ ءوتتى تامارا دۇيسەنوۆا.
ونىڭ ايتۋىنشا، تاياۋ ارادا كاسىپكەرلەر ءۇشىن سالىق ورگاندارى الدىندا ەسەپ بەرۋ ءۇردىسى ەداۋىر جەڭىلدەيدى. ماسەلەن، كورسەتكىشتەرى نولگە تەڭ بولسا، قۇزىرلى ورگاندارعا ەسەپ بەرۋدى مىندەتتەمەۋ جوسپارلانىپ وتىر. وسى ارقىلى كاسىپ يەسىنىڭ شوتى بۇعاتتالمايتىن بولادى. سالىق ورگاندارىنا بەرىلەتىن ەسەپتىلىك 30%-عا قىسقارماق. جوسپارلى تەكسەرۋلەر دە ازايادى.
«مەملەكەتتىك باقىلاۋ جانە قاداعالاۋ سالالارىندا تاۋەكەلدەردى باسقارۋ جۇيەلەرىن اۆتوماتتاندىرۋ ءىسى قولعا الىندى. بۇل قادام بيزنەستى جوسپارلى تۇردە تەكسەرۋدى 2 ەسە ازايتۋعا مۇمكىندىك بەرەدى»، — دەپ تۇيىندەدى ءسوزىن تامارا دۇيسەنوۆا.