بۇل تۋرالى ق ر ءىىم كريمينالدىق پوليسيا دەپارتامەنتى كيبەرقىلمىسقا قارسى كۇرەس ورتالىعى باسشىسىنىڭ مىندەتىن اتقارۋشى رۇستەم دۇيسەتايەۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«قازىرگى تاڭدا ازاماتتاردىڭ اقشاسىن الداۋ جولىمەن زاڭسىز يەمدەنۋ - قىلمىستاردىڭ ەڭ كوپ تاراعان ءتۇرى. اتالعان قىلمىس تۇرىمەن كۇرەسۋ - ەلىمىزدەگى جانە بۇكىل الەمدەگى وزەكتى ماسەلەلەردىڭ ءبىرى. مەملەكەت باسشىسى وتكەن جىلعى قازاقستان حالقىنا جولداۋىندا الاياقتىق قىلمىستارعا قارسى ناقتى شارالار قابىلداۋ كەرەك ەكەنىن اتاپ وتكەن ەدى»، - دەدى رۇستەم دۇيسەتايەۆ مينيسترلىكتە ونلاين وتكەن باسپا ءسوز ءماسليحاتىندا.
ونىڭ ايتۋىنشا، الاياقتار ادامداردى الداۋ ءۇشىن ءتۇرلى امالداردى قولدانادى، سول سەبەپتەن اتالعان قىلمىستىڭ سانى جىلدان-جىلعا كوبەيىپ بارادى.
«ينتەرنەت الاياقتىقپەن كۇرەسۋ جولىندا مينيسترلىكتە ءتيىستى شارالار قابىلدانىپ جاتىر. وتكەن جىلدان باستاپ كيبەرشابۋىلعا قارسى باعدارلاما ىسكە قوسىلدى. سول سەكىلدى وڭىرلەردە ارنايى جەدەل تەرگەۋ توپتارى قۇرىلدى. ودان بولەك، ءار توقسان سايىن جەدەل الدىن الۋ شاراسى ۇيىمداستىرىلىپ تۇرادى»، - دەيدى ول.