بيىل پوليسيا قىزمەتكەرلەرى ەسىرتكى ساۋدالايتىن 810 ينتەرنەت پورتالدىڭ جۇمىسىن توقتاتتى. بۇل تۋرالى ىشكى ىستەر مينيسترلىگىنىڭ باسقارما باستىعى باقىتجان ءامىرحانوۆ مالىمدەدى، دەپ حابارلايدى almaty-akshamy.kz
ونىڭ ايتۋىنشا، مۇنداي سايتتار ەسىرتكى ساتۋدى الدەقايدا جەڭىلدەتتى. سوڭعى ءبىر جىلدا تەكسەرىستەر ناتيجەسىندە 12 توننادان استام ەسىرتكى زاتتارى تاركىلەندى. ولاردىڭ باسىم بولىگى ماريحۋانا، گەروين مەن سينتەتيكالىق زاتتار. 11 ەسىرتكى زەرتحاناسى جابىلدى. ءتارتىپ ساقشىلارى ەسىرتكى زاتتارىنىڭ زاڭدى اينالىمىن دا تەكسەردى. ماسەلەن، ءدارىحانالاردا مۇنداي زاتتاردى رەسەپتسىز ساتىپ جاتقاندار دا از بولماي شىقتى. بارلىعى 18 قىلمىستىق بۇزۋشىلىق انىقتالعان.
باقىتجان ءامىرحانوۆ، ق ر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى: – باقىلاۋعا الىنعان زاتتار اينالىمىندا 93 اكىمشىلىك قۇقىق بۇزۋشىلىق دەرەگى انىقتالدى. ولاردىڭ 28ء-ى تەحنيكالىق تالاپتارعا بايلانىستى، قالعانى ليسەنزيا نورمالارىن بۇزعان. ەسىرتكى پرەپاراتتارى 57 رەت رەسەپسىز ساتىلعان. بارلىعى 343 امپۋلا، 1000 ءدارى جانە 1200 پسيحوتروپتى زات تاركىلەدىك.