الماتىداعى كەرەي-جانىبەك حاندار كوشەسىنىڭ بويىندا "قىزىل كىتاپقا" ەنگەن سيۆەر الما اعاشتارى كەسىلگەن
الماتىلىقتار مەدەۋ اۋدانى كەرەي-جانىبەك حاندار كوشەسى بويىنداعى 300 ءتۇپ اعاشتىڭ زاڭسىز كەسىلگەنىن ايتىپ شاعىمداندى. اكىمدىك ول جەردى تەكسەردى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
بەلسەندىلەردىڭ كىنالىلەردى جازالاۋ تۋرالى قويعان تالابى جەلىدە جاريالاندى. «كەرەي-جانىبەك حاندار كوشەسى، 368 مەكەنجايىندا اراسىندا "قىزىل كىتاپقا" ەنگەنى بار، 300 ءتۇپ اعاش كەسىلگەن. ايىپتىلاردى قىلمىستىق جاۋاپكەرشىلىككە تارتۋدى تالاپ ەتەمىز»،-دەپ جازدى ەكوبەلسەندى سالتانات تاشيموۆا Facebook پاراقشاسىندا.
وسىعان بايلانىستى قالالىق جاسىل ەكونوميكا باسقارماسى اعاشتار 1،15 گا ۋچاسكەسىندە كەسىلگەنىن حابارلادى. ونىڭ 1 گا اۋماعى نىسانالى ماقساتتا – كەمپينگ قۇرىلىسى ءۇشىن، تاعى 0،15 گا – جەكە تۇرعىن ءۇي قۇرىلىسى (جتق) ءۇشىن كەسىلگەن.
«بۇل اۋماق كەمپينگ سالۋعا ارنالعاندىقتان، جاسىل ەكپە ەرەجەسىنە سايكەس، اعاش كەسۋگە رۇقسات الۋ قاجەت، الايدا جتق اۋماعىندا اعاش وتاۋعا ارنايى رۇقسات تالاپ ەتىلمەيدى. جاسىل ەكونوميكا باسقارماسىنىڭ ماماندارى تابيعاتتى قورعاۋ پروكۋراتۋراسى جانە پوليسيامەن بىرلەسىپ تەكسەرۋگە شىقتى، ءبىراق، ولاردى كۇزەت ىشكە قاراي وتكىزگەن جوق. كەلەسى كۇنى باسقارما مەن بوتانيكالىق ب ا ق ماماندارى قوعام مۇشەلەرىمەن بىرگە وقيعا ورنىنا بارعان سوڭ، 300-گە جۋىق اعاشتىڭ زاڭسىز كەسىلگەنى تۋرالى اكت جاسالدى»، - دەپ ناقتىلادى باسقارمادا.
اعاشتاردىڭ تۇقىمى مەن تۇرلەرى ءالى رەسمي انىقتالعان جوق. بوتانيكالىق ب ا ق زەرتحانالىق زەرتتەۋ ناتيجەسىن 3-5 كۇن ىشىندە ۇسىنادى.
الدىن الا دەرەك بويىنشا، قازاقستاننىڭ "قىزىل كىتابىنا" ەنگەن سيۆەرس الما اعاشتارى كەسىلگەن.