باعا شىمكەنت، جەتىسۋ جانە الماتى وبلىستارىندا ايتارلىقتاي وسكەن.
ساراپشىلاردىڭ 10 قاراشادا جاريالاعان ەسەبى بويىنشا، ءبىر جىل ىشىندە قازاقستانداعى جولاۋشىلار پويىزىنىڭ قىزمەتى 20 پايىز قىمباتتاعانى انىقتالدى، دەپ حابارلايدى Almaty-akshamy.kz Energyprom.kz-كە سىلتەمە جاساپ.
ماماندار قالا ماڭىندا قاتىنايتىن پويىزداردىڭ ءجۇرۋ اقىسى 16،7% قىمباتتاعانىن ايتتى. ەل ىشىندە قاتىنايتىن پويىزدىڭ ەكىنشى كلاستى ۆاگونىندا تاسىمالداۋ 20،6%، كۋپە ۆاگونىندا 17،8% قىمباتتادى.
باعا شىمكەنت، جەتىسۋ جانە الماتى وبلىستارىندا ايتارلىقتاي وسكەن.
ال اقتوبە، باتىس قازاقستان، ۇلىتاۋ جانە پاۆلودار وبلىستارىندا باعا اسا كوپ وسە قويماعانى بايقالدى.
نەبارى 9 ايدا، زەرتتەۋشىلەردىڭ مالىمەتىنشە، 14،7 ميلليون جولاۋشى تەمىرجول كولىگى قىزمەتىن پايدالانعان. بۇل ءبىر جىل بۇرىنعى كورسەتكىشتەن 32،6 پايىز ارتىق.
ءبىر قىزىعى، پويىز قىزمەتىن كوبىنە ەلوردا تۇرعىندارى پايدالانعان. كولىكتىڭ بۇل ءتۇرىن باتىس قازاقستان وبلىسىنىڭ تۇرعىندارى سيرەك پايدالانادى ەكەن.