«Kazakh Tourism» ۇلتتىق كومپانياسى» جاريالاعان بايقاۋ مارەسىنە جەتتى.
جوبا بىرەگەي تابيعي لاندشافتتارى بار، ءداستۇرىمىز بەن قولونەردى ساقتاعان اۋىلدىق اۋماقتاردى انىقتاۋعا جانە دامىتۋعا باعىتتالعان. قازاقستاننىڭ ۇزدىك 5 تۋريستىك اۋىلى قاتارىندا قىزىلوردا وبلىسىنداعى ناعي ءىلياسوۆ ەلدى مەكەنى دە بار، دەپ حابارلايدى aqshamnews.kz.
60 جىلدىق تاريحى بار ناعي ءىلياسوۆ اۋىلى توقسانىنشى جىلدارى توزىپ كەتكەن ەدى. ەلدى مەكەن كەلبەتىنىڭ ادام تانىماستاي وزگەرۋىنە ەڭبەك ەرى ابزال ەرالييەۆ سۇبەلى ۇلەس قوسىپ كەلەدى. كۇرىش شارۋاشىلىعىن شيراتىپ، تۇرعىنداردى جۇمىسپەن قامتىعان كاسىپكەر اۋىلدا بىرنەشە مادەني-الەۋمەتتىك عيماراتتى جاڭعىرتىپ، كەيبىرىن جاڭادان سالدى.
«سۋبۇرقاق، ساياباق، ويىن الاڭى، اللەيالارى بار ادەمى اۋىلعا سوڭعى جىلدارى تۋريستەر دە كوپ كەلەتىن بولدى»، – دەيدى تۇرعىندار.
انىقبەك قايمولدايەۆ، ناعي ءىلياسوۆ اۋىلىنىڭ تۇرعىنى: - ۇلكەن-ۇلكەن اۆتوبۋستارمەن دە كەلەدى. سىرتتان كەلگەن اعايىن-تۋمالار، استانادان، الماتىدان كەلگەندەر اۋىلعا تاڭعالادى. اسىرەسە ءقازىردىڭ وزىندە جامان ەمەس. كەشكە جاقىن جارقىرايدى. جازدىگۇنى اينالا ءبارى گۇلزار عوي.
اۋىلدىڭ كوشەلەرى تولىق اسفالتتالعان. گاز قۇبىرى دا تارتىلعان.
ساعدات نۇرماعامبەتوۆ، ناعي ءىلياسوۆ اۋىلدىق وكرۋگىنىڭ اكىمى:
ء-تۋريزمدى دامىتۋ ماقساتىندا اۋىلدا بيىلدان باستاپ ءبىز مۋزەي اشۋدى قولعا الىپ جاتىرمىز. ول مۋزەيدە وسى اۋىلدىڭ ەڭبەكشىلەرىنىڭ وتكەن تاريحىن ناسيحاتتايمىز سول جەردە.
اۋىلدا جاستارعا دا بارلىق جاعداي جاسالعان. بىرنەشە ويىن الاڭى بار. اۋىلداعى ءزاۋلىم سپورت كەشەنىندە 150-گە جۋىق بالا شىنىعادى.
رەسپۋبليكالىق جارىستاردان، قازاقستان رەسپۋبليكاسىنىڭ چەمپيوناتتارىنان جانە ازيا چەمپيوناتتارىنان جۇلدەگەرلەر دە جەتەرلىك. مامانداردىڭ ايتۋىنشا، اتا كاسىپتەن قول ۇزبەي، زامان تالابىنا ساي دامىعان ناعي ءىلياسوۆ اۋىلى ەندى بىرىككەن ۇلتتار ۇيىمى وتكىزەتىن حالىقارالىق بايقاۋدا تانىستىرىلادى.