ماسەلە تۇنگى ۋاقىتتا ماس كۇيدە شاھاردىڭ تومەنگى بولىگىندەگى ءدامحانالاردىڭ بىرىندە شۋ شىعارعان ەر ادام جايىندا، دەپ حابارلايدى aqshamnews.kz Polisia.kz-كە سىلتەمە جاساپ.
- مۇنداي ۇرەي تۋدىراتىن حابارلاماعا ءبىرىنشى بولىپ پاترۋلدىك پوليسيا قىزمەتكەرلەرى جاۋاپ بەردى. قۇقىق بۇزۋشى ولارعا باعىنبادى. ول پوليسيا قىزمەتكەرلەرىنە بالاعات سوزدەر ايتىپ، قاشۋعا ارەكەتتەنگەن. الايدا، بەكەر. مەديسينالىق ساراپتاما قۇقىق بۇزۋشىنىڭ ورتا دارەجەدە ماس بولعانىن انىقتادى. سوت قاۋلىسىمەن ا.ەسىمدى ازامات پوليسيا قىزمەتكەرلەرىنە باعىنباعانى ءۇشىن (ق ر اقبتك-نىڭ 667-بابى) كىنالى دەپ تانىلىپ، 15 تاۋلىككە اكىمشىلىك قاماۋعا الىندى. سونىمەن قاتار پوليسيا قىزمەتكەرلەرىنە ءتىل تيگىزۋ دەرەگى بويىنشا (ق ر قك-نىڭ 378-بابى) قىلمىستىق ءىس قوزعالعانىن ايتا كەتەيىن. سوتقا دەيىنگى تەرگەۋ امالدارى جالعاسۋدا، - دەدى تۇركسىب اۋداندىق پوليسيا باسقارماسىنىڭ باستىعى دۋمان اۋحادييەۆ.
پوليسيادا بيلىك وكىلىن بالاعاتتاۋ قىلمىستىق جاۋاپكەرشىلىككە اكەلىپ سوعاتىنىن ەسكە سالدى.