مەكتەپتە وقۋ جىلى 2 اپتاعا ۇزاردى: مينيسترلىك بۇيرىعى بەكىتىلدى
ەلىمىزدىڭ وقۋ-اعارتۋ مينيسترلىگى ورتا مەكتەپتەردە وقۋ جىلىن 2 اپتاعا ۇزارتۋ تۋرالى شەشىمىن بەكىتتى، دەپ حابارلايدى Almaty-aksamy.kz قازاقپاراتقا سىلتەمە جاساپ.
«وقۋ-اعارتۋ مينيسترلىگىنىڭ اپپارات جينالىسىندا جاڭا وقۋ جىلىنىڭ ۇزاقتىعى ءبىرىنشى سىنىپ وقۋشىلارى ءۇشىن - 35 وقۋ اپتاسىن، 2-11 سىنىپتار ءۇشىن 36 وقۋ اپتاسىن قۇرايتىندىعى جاريالاندى»، - دەلىنگەن ۆەدومستۆونىڭ اقپاراتىندا.
سونىمەن وقۋ جىلى ىشىندەگى دەمالىس مىناداي بولادى:
- كۇزگى دەمالىس – 7 كۇن (2022 جىلدىڭ 31 قازانى مەن 6 قاراشا ارالىعى)؛
- قىسقى دەمالىس – 9 كۇن (2022 جىلدىڭ 31 جەلتوقسانى مەن 2023 جىلدىڭ 8 قاڭتارى ارالىعى)؛
- كوكتەمگى دەمالىس – 9 كۇن (2023 جىلدىڭ 18-26 ناۋرىزى ارالىعى).
1 سىنىپتاردا 7 كۇن قوسىمشا دەمالىس قاراستىرىلعان (2023 جىلدىڭ 6-12 اقپانى ارالىعى). ال جازعى دەمالىس 1 ماۋسىمنان 1 قىركۇيەككە دەيىن بولادى.
وقۋ-اعارتۋ ءمينيسترىنىڭ بۇيرىعى تىركەلۋ ءۇشىن ادىلەت مينيسترلىگىنە جولداندى.