ەلىمىزدە ەلەكتروموبيلدەر سانى 10 ەسەگە ءوستى: اسىرەسە، مۇنداي كولىكتەر الماتىدا كوپ
ەلىمىزدىڭ جولدارىندا ءبىر جىلدا ەلەكتروموبيلدەر سانى 10 ەسەگە وسكەن. بۇل كولىكتەردىڭ باسىم بولىگى الماتى قالاسىندا تىركەلگەن. جالپى تىركەلگەن كولىكتەردىڭ 59 پايىزى، دەپ حابارلايدى اlmaty-akshamy.kz Energyprom.kz-كە سىلتەمە جاساپ.
وسى جىلعى 1 تامىزداعى جاعداي بويىنشا ەلىمىزدە 4،4 ملن جەڭىل اۆتوكولىك تىركەلگەن. وتكەن جىلمەن سالىستىرعاندا 15،2%-عا ارتىق.
«نازار اۋدارارلىق جايت، تىركەلگەن ەلەكتر كولىكتەرىنىڭ سانى 10،4 ەسەگە، بەنزينمەن جۇرەتىن اۆتوموبيلدەر سانى 14،9%-عا، ديزەلدىك وتىنمەن – 12،2%-عا، گاز باللوندارىمەن – 38،2%-عا، ال ارالاس ۇلگىدەگى كولىكتەر سانى – 19،3%-عا ارتقان»، - دەپ حابارلايدى ساراپشىلار.