الماتى اكىمدىگىنىڭ قايتا جاڭارتىلعان عيماراتىندا قوعامدىق قابىلداۋ جۇمىس ىستەيدى

بۇل تۋرالى الماتى اكىمى اپپاراتىنىڭ باسشىسى بەيبىت شاحانوۆ ايتتى، دەپ حابارلايدى Almaty-akshamy.kz.

«بۇرىن-سوڭدى اكىمدىكتە مۇنداي زال بولماعان، سوندىقتان جوندەۋ جۇمىستارى كەزىندە ءبىز 1-قاباتتىڭ ءبىر قاناتىن ارنايى بولدىك. كەلۋشى كەز كەلگەن ماسەلەمەن زالعا كىرە الادى. كۇتۋ زالىن كەڭ جاسادىق.  ءارى قاراي ادام باعىتى بويىنشا تالون تاڭدايدى. ەكرانداردا كەزەك قاشان كەلەتىنى كورىنىپ تۇرادى. سونىمەن قاتار، بىردەن كەڭەس بەرەتىن، ەگەر قانداي دا ءبىر شاعىم بولسا، ءوتىنىشتى قابىلدايتىن زال بار. بۇل قوعامدىق قابىلداۋ ءدال ءقازىر مەيلىنشە تەز شەشىم قابىلداۋعا باعىتتالعان، ياعني ماماندار مۇمكىندىگىنشە بارلىق ماسەلەنى شەشۋگە تىرىسادى. ەگەر وعان مۇمكىندىك بولماسا، ۋاقىت قاجەت بولسا، ءوتىنىش قالدىرىپ، شەشىمىڭىزدى بەلگىلەنگەن تارتىپپەن كۇتە الاسىز»، - دەيدى ب.شاحانوۆ.

مۇندا بارلىق جاعداي بار، بالامەن كەلگەندەرگە ويىن الاڭى، ەكراندار، ورىندىقتار قويىلعان. انا مەن بالا بولمەسى، مۇمكىندىگى شەكتەۋلى جاندارعا قولايلى جاعداي جاسالعان. ءبىز اكىمدىككە كەلەتىن ازاماتتار ءۇشىن جاعداي جاساۋعا بارىنشا ارەكەتتەندىك. 

ازاماتتاردى قابىلداۋ اپپارات پەن باسقارما كوشكەن كەزدەن باستالادى. مەنىڭ ويىمشا، بۇعان از عانا ۋاقىت قالدى. ءبىز بىرتىندەپ كوشە باستايمىز. ءقازىر كەيبىر قىزمەتكەرلەر كوشىپ كەلدى.