الماتىدا تاكسي جۇرگىزۋشىلەرىن الداپ، تەلەفوندارىن يەمدەنىپ العان كۇدىكتى قۇرىقتالدى

الماتى پوليسەيلەرى ءبىرقاتار الاياقتىق جاساعان الماتى وبلىسىنىڭ 33 جاستاعى تۇرعىنىن ىزدەستىردى.

ءتارتىپ ساقشىلارىنىڭ ايتۋىنشا، ا.ەسىمدى ازامات كليەنت رەتىندە تاكسيگە وتىرعان. مەكەنجايعا جەتكەننەن كەيىن، ول جۇرگىزۋشىدەن قوڭىراۋ شالۋ ءۇشىن تەلەفونىن سۇراپ الىپ، سودان سوڭ قاشىپ كەتكەن. قاسكوي بوتەننىڭ تەلەفوندارىن ساتىپ، تۇسكەن اقشانى وزىنە جۇمساعان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«جەدەل-ىزدەستىرۋ شارالارى بارىسىندا 33 جاستاعى كۇدىكتى ۇستالدى. ول جاساعان قىلمىس تىزبەگى قالانىڭ بەس اۋدانىن قامتيدى. ولاردىڭ نەگىزىندە سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى بويىنشا قىلمىستىق ىستەر تىركەلدى. قاسكوي قاماۋدا. الدانعانداردىڭ كوپ بولۋى مۇمكىن ەكەنىن جوققا شىعارمايمىز. وسىعان بايلانىستى، ازاماتتاردان كۇدىكتىنى تانىعان جاعدايدا مىنا تەلەفوندارعا حابارلاسۋدى سۇرايمىز: 8-705-555-77-63؛ 8-775-747-77-78 جانە 8-778-591-91-35»، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.