ۆاكسينانىڭ تيىمدىلىگى 92%، ياعني 100 ادامنىڭ 8ء-ى اۋىرىپ قالۋى مۇمكىن.
ورتالىق كوممۋنيكاسيالار قىزمەتىندە وتكەن بريفينگتە ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا وسىنداي مالىمەتتەرمەن ءبولىستى، دەپ حابارلايدى Almaty-akshamy.kz.
قازاقستاندا ۆاكسيناسيادان كەيىن 1 437 ادام كوروناۆيرۋس جۇقتىرعان. بۇل تومەن دەڭگەي - 0،05%. ءوندىرۋشىنىڭ ءوزى ۆاكسينانىڭ تيىمدىلىگى 92% قۇرايدى دەيدى، ياعني 100 ادامنىڭ 8ء-ى اۋىرىپ قالۋى مۇمكىن. «سپۋتنيك V» ۆاكسيناسىنىڭ ءبىرىنشى دوزاسىنان كەيىن 979 ادام، «Hayat-Vax»-تان كەيىن 35 ادام جانە «QazVac»-تان كەيىن 8 ادام اۋىرعان. بۇل كورسەتكىشتەر ۆاكسينالاۋدىڭ تيىمدىلىگىنىڭ جوعارى ەكەندىگىن راستايدى. ياعني، ەكپە العان 2،9 ملن ادامنىڭ 1437ء-سى عانا سىرقاتتانعان.
سونىمەن قاتار، ول جاڭا تىزىمدە نەگە ۆاكسينا الۋ مەن پتر-تەست مىندەتتى بولىپ تابىلاتىنىن، ال انتيدەنەلەر تۋرالى انىقتاما سەكىلدى بالاما جوق ەكەندىگىن ءتۇسىندىردى.
«اۋىرىپ جازىلعان ادامدار مىندەتتى تۇردە پتر-تەست بولۋى ءتيىس ساناتقا جاتپايدى، ال اۋىرىپ جازىلعاندارعا ءۇش اي ۋاقىت بەرىلەدى. ءقازىر قايتا اۋىرۋ جاعدايلارى تىركەلىپ جاتىر، كلينيكالىق حاتتامالارعا «قايتالانعان جاعداي» ۇعىمى ەنگىزىلدى - بۇل اۋىرعاننان كەيىن 3 اي وتكەن سوڭ تىركەلگەن جاعداي. مۇنداي جاعدايلار بار، سوندىقتان ءبىز التى ايدان 3 ايعا دەيىن ازايتتىق. ايتا كەتەرلىك جايت، اۋىرعان ادامداردى ۆاكسينالاۋ ءۇشىن قارسى كورسەتىلىمدەر جوق. بۇل قارسى كورسەتكىشتەر، دالىرەك ايتقاندا، شەكتەۋلەر العاشقى كەزەڭدەردە ەنگىزىلدى جانە ۆاكسينالاردىڭ، الەمدە جەتكىلىكسىز بولۋىنا بايلانىستى ەنگىزىلگەن. بۇل رەتتە اۋىرماعاندارعا باسىمدىق بەرىلدى، ويتكەنى بۇرىن اۋىرعانداردا از ۋاقىتقا بولسىن، قورعانىسى بار. انتيدەنەلەرگە تەست تاپسىرۋعا كەلەتىن بولساق، انتيدەنەلەردىڭ قانداي ءتيترى قورعاي الاتىنى تۋرالى ناقتى دالەلدەنگەن عىلىمي مالىمەتتەر جوق، سوندىقتان ءبىز بۇل نورمانى ەنگىزگەن جوقپىز»، - دەپ ءتۇسىندىردى ايجان ەسماعامبەتوۆا.