بيىل ءار بالاعا 12 252 تەڭگەدەن جاردەماقى تولەنەدى.
جىل باسىنان بەرى ورتا ەسەپپەن 493،1 مىڭ كوپ بالالى وتباسى 82،2 ملرد. تەڭگە كولەمىندە مەملەكەتتىك جاردەماقى تولەمدەرىمەن قامتىلدى، ونىڭ ىشىندە ناۋرىز ايىندا 499،3 مىڭ وتباسى جالپى سوماسى 27،8 ملرد. تەڭگە جاردەماقى الدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا جاريالاندى، دەپ حابارلايدى almaty-akshamy.kz
اتالعان مەملەكەتتىك جاردەماقى 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلارعا بەرىلەدى. تولەم مولشەرى بالالاردىڭ سانىنا بايلانىستى سارالانادى جانە بيىل ءار بالاعا - 12 252 تەڭگە.
«كوپ بالالى وتباسىلارعا ولاردىڭ كىرىستەرىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ، اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپ بالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلگەن بولاتىن»ن - دەلىنگەن حابارلامادا.
ەسكە سالا كەتەيىك، ق ر پرەمەر-مينيسترىنىڭ ورىنباسارى ەرالى توعجانوۆ زەينەتاقى مەن جاردەماقىنى ينفلياسياعا ساي يندەكستەۋ ءۇشىن قوسىمشا 111 ملرد. تەڭگە بولىنەتىنىن ايتقان بولاتىن.