ەلىمىزدە دارىگەرلەردىڭ كاسىپتىك جاۋاپكەرشىلىگىنە قاتىستى مىندەتتى ساقتاندىرۋ جۇيەسى ەنگىزىلەدى. بۇل تۋرالى ماجىلىستە كەيبىر زاڭنامالىق اكتىلەرگە دەنساۋلىق ساقتاۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىن تانىستىرۋ كەزىندە دەنساۋلىق ساقتاۋ ءمينيسترى اجار عينيات ايتتى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«مەديسينا قىزمەتكەرلەرىنىڭ پراكتيكالىق قىزمەتى قوعامنىڭ يگىلىگى ءۇشىن ۇنەمى قاۋىپكە ۇشىرايتىن ماماندىقتارعا جاتادى، ياعني كۇردەلى ءارى جاۋاپتى ماماندىق. الەمدەگى وزىق تاجىريبەنى قاراي وتىرىپ، مەديسينا قىزمەتكەرلەرىنىڭ كاسىپتىك جاۋاپكەرشىلىگى بويىنشا مىندەتتى ساقتاندىرۋ جۇيەسىن كەزەڭ-كەزەڭمەن ەنگىزۋ جوسپارلانىپ وتىر. مۇنداي ءتاسىل مەديسينالىق كومەكتىڭ ساپاسىن ارتتىرۋعا مۇمكىندىك بەرەدى جانە حالىقارالىق ارەنادا قازاقستاننىڭ دەنساۋلىق ساقتاۋ سالاسى رەيتينگىسىنە دە اسەر ەتەدى»، - دەدى ا. عينيات.
ونىڭ ايتۋىنشا، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسىنىڭ 270-بابىندا مەديسينالىق كومەك كورسەتۋ كەزىندە پاسيەنتتىڭ ومىرىنە نەمەسە دەنساۋلىعىنا زيان كەلتىرىلگەن جاعدايدا مەديسينا قىزمەتكەرلەرىنىڭ كاسىپتىك جاۋاپكەرشىلىگىن ساقتاندىرۋ قۇقىعى زاڭنامالىق تۇردە بەكىتىلگەن.
«ونداي نورما بار، ال زاڭ جوباسى وسى باپتىڭ ىسكە اسىرۋ جولدارىن بەكىتەدى»، - دەدى مينيستر.
وسى ورايدا ۆەدومستۆو باسشىسى زاڭ جوباسى مەديسينا قىزمەتكەرلەرىنىڭ مارتەبەسىن ارتتىرۋعا، ناۋقاستاردىڭ قۇقىقتارىن قورعاۋعا جانە مەديسينالىق كومەكتىڭ ساپاسىن ارتتىرۋعا باعىتتالىپ وتىرعانىن ايتتى.
«زاڭ جوباسىن ازىرلەۋ كەزىندە حالىقارالىق تاجىريبەلەر زەرتتەلدى. ماسەلەن، انگليادا مەديسينالىق مەكەمەنىڭ اكىمشىلىگى مەديسينالىق قاتەلىك جىبەرگەن مەديسينا قىزمەتكەرىنىڭ ءتيىستى جۇمىسىن قامتاماسىز ەتپەگەنى ءۇشىن ازاماتتىق جاۋاپكەرشىلىككە تارتىلۋى مۇمكىن. يزرايلدە مەديسينا قىزمەتكەرى قىزمەتىن جۇزەگە اسىرعان مەكەمە نەمەسە ۇيىم تەك ازاماتتىق-قۇقىقتىق جاۋاپقا تارتىلادى، ولاردا قىلمىستىق ءىس ەسكەرىلمەگەن. ال اقش-تا مەديسينالىق مەكەمەمەن بىرگە ساقتاندىرۋ كومپانيالارى دا جاۋاپتى بولادى. كانادالىق جۇيەدە قىزمەتىن تەرىس پايدالانعان دارىگەرلەردى پروۆينسيالىق ليسەنزيالاۋ ورگانى جازالايدى. فينليانديادا مەديسينالىق كومەك كورسەتۋمەن اينالىساتىن بارلىق اۋرۋحانالار مەن كومپانيالار ساقتاندىرىلۋى ءتيىس. مەديسينا سالاسىنىڭ قىزمەتكەرلەرىنە جەكە ساقتاندىرۋ شارتتارىن بەكىتۋدىڭ جانە كومپانيالارعا ساقتاندىرۋ جارنالارىن تولەۋدىڭ قاجەتى جوق. بۇل سالاداعى وقيعالاردى پاسيەنتتەردى ساقتاندىرۋ ورتالىعى قاراستىرادى، مەديسينالىق پەرسونال ونىمەن اينالىسپايدى»، - دەدى ا. عينيات.
ونىڭ سوزىنە قاراعاندا، رەسەيدە قىلمىستىق زاڭدا اتالعان قىلمىستار جانە جالپى مەديسينالىق قىلمىستار ءۇشىن ارنايى نورما جوق. ادامعا قارسى قىلمىستار تۋرالى تاراۋدا ماماننىڭ ءوزىنىڭ كاسىپتىك مىندەتتەرىن تيىسىنشە ورىنداماۋى سالدارىنان جاسالعان ىس-ارەكەت ءۇشىن جاۋاپكەرشىلىك كوزدەلگەن.