تۋريزم جانە سپورت مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن، «ۇلتتىق اقپاراتتىق تەحنولوگيالار» اق-مەن بىرلەسىپ ق ر ازاماتتارى مەن رەزيدەنتتەرىن قۇمار ويىندارعا جانە ءباس تىگۋگە قاتىسۋدان ءوز بەتىنشە شەكتەۋ جونىندەگى قىزمەتتى اۆتوماتتاندىرۋ بويىنشا جۇمىستى اياقتادى.
بۇگىنگى كۇننەن باستاپ قازاقستان ازاماتتارى، سونداي-اق ق ر اۋماعىندا تۇراقتى تۇراتىن شەتەلدىكتەر eGov mobile موبيلدىك قوسىمشاسى ارقىلى 6 ايدان 12 ايعا دەيىنگى مەرزىمگە وزدەرىن قۇمار ويىندارعا جانە ءباس تىگۋگە قاتىسۋىن ەرىكتى تۇردە شەكتەۋ تۋرالى ءوتىنىش بەرە الادى، دەپ حابارلايدى Almaty-akshamy.kz ق ر تۋريزم جانە سپورت مينيسترلىگىنە سىلتەمە جاساپ.
بۇل ءراسىم «ويىن بيزنەسى تۋرالى» ق ر زاڭىنىڭ 15-1 بابىندا كوزدەلگەن جانە اۆتوماتتاندىرۋعا دەيىن ءتيىستى تۇلعالاردى ءوزىن-وزى شەكتەگەندەر تىزىمىنە قوسۋ 8 جۇمىس كۇنى ىشىندە قاعاز فورماتتا جۇزەگە اسىرىلدى.
جاڭا قىزمەت وتىنىشتەردى وڭدەۋ مەرزىمىن ەداۋىر قىسقارتادى جانە قۇمار ويىندارعا قاتىسۋدان ءوزىن-وزى شەكتەۋ ءراسىمىن جەڭىلدەتەدى. بۇل بارلىق ازاماتتارعا، ەڭ الدىمەن قۇمار ويىندارمەن شەكتەن تىس اۋەستەنەتىن تۇلعالارعا بارلىق ليسەنزيالانعان ويىن مەكەمەلەرى مەن بۋكمەكەرلىك كەڭسەلەردىڭ زاڭدى سايتتارىنا كىرۋگە لەزدە توسقاۋىل قويۋعا مۇمكىندىك بەرەدى.
ءوزىن قۇمار ويىندارعا قاتىسۋدان شەكتەۋ ءۇشىن ق ر ازاماتىنا نەمەسە رەزيدەنتىنە ءوز تەلەفونىنا eGov mobile ءموبيلدى قوسىمشاسىن جۇكتەپ، ەلەكتروندىق سيفرلىق قولتاڭبانى جاساپ الۋ كەرەك.
ءوتىنىش ەسق مەن وتىنىمگە قول قويۋ ارقىلى ونلاين بەرىلەدى. ءوتىنىش بەرگەننەن كەيىن سەرۆيس ءوتىنىشتى دەرەۋ تىركەيدى جانە ءوتىنىش بەرگەن تۇلعا ءوتىنىشتى قايتارىپ الۋ قۇقىعىنسىز 6 ايدان 1 جىلعا دەيىنگى مەرزىمگە قۇمار ويىندارعا جانە ءباس تىگۋگە قاتىسۋدان شەكتەلگەن ادامداردىڭ تىزىمىنە (بۇدان ءارى – ءتىزىم) ەنگىزىلەدى. بۇل رەتتە، قۇمار ويىندارعا قاتىسۋدى شەكتەۋ جانە ءباس تىگۋ مەرزىمى اياقتالعانعا دەيىن شەكتەۋدى ۇزارتۋ تۋرالى ءوتىنىش بەرۋگە بولادى.
ق ر «ويىن بيزنەسى تۋرالى» زاڭىنا سايكەس تىزىمگە ەنگەن تۇلعالار تۋرالى مالىمەتتەر قۇپيا بولىپ تابىلادى. تيىسىنشە، مۇنداي مالىمەتتەر تەك ءتسم-نىڭ لاۋازىمدى تۇلعالارىنا، سونداي-اق قۇمار ويىنعا قاتىسقىسى كەلەتىن ادامداردىڭ تىزىمدە بولۋ دەرەكتەرىن جسن ەنگىزۋ ارقىلى جەكەلەگەن سۇراۋ سالۋ ءۇشىن ليسەنزيالانعان ويىن بيزنەسى ۇيىمداستىرۋشىلارىنا عانا قولجەتىمدى.
وسىلايشا، ويىن بيزنەسى سۋبەكتىلەرىنىڭ ءاربىر سۇراۋ سالۋى تىزىمدە تۇرعان ادامداردىڭ وزگە دە جەكە دەرەكتەرىن اشپاي-اق تەك قانا جسن دەرەكتەمەلەرى بويىنشا جەكە وڭدەلەتىن بولادى. ويىن بيزنەسى سۋبەكتىلەرىنىڭ ءتىزىمنىڭ تولىق نۇسقاسىنا قول جەتكىزە المايدى.
قۇمار ويىندارعا جانە ءباس تىگۋگە قاتىسۋدان باس تارتقىسى كەلەتىن تۇلعالار ءوتىنىشتى دەربەس ەسق-نى پايدالانا وتىرىپ، وزدىگىمەن بەرۋگە ءتيىس ەكەنىنە نازار اۋدارامىز. ءوتىنىشتى ءۇشىنشى تۇلعالاردىڭ بەرە المايدى.
پايدالانۋشىلارعا ىڭعايلى بولۋ ءۇشىن «ۇلتتىق اقپاراتتىق تەحنولوگيالار» اق-مەن بىرلەسىپ ەگجەي-تەگجەيلى بەينە نۇسقاۋلىق ازىرلەندى، ول «eGov mobile» ءموبيلدى قوسىمشاسىندا جانە تسم-ڭ ينتەرنەت-رەسۋرسىندا https://youtube.com/shorts/_Nq7Zb_M-4Y؟feature=share سىلتەمەسى بويىنشا قولجەتىمدى.
سونىمەن قاتار سيفرلىق سەرۆيسپەن قاتار ق ر ازاماتتارى مەن رەزيدەنتتەرى ءۇشىن زاڭنىڭ 15-1-بابىنا سايكەس ويىن بيزنەسىن ۇيىمداستىرۋشىلارى ارقىلى قۇمار ويىندارعا جانە ءباس تىگۋگە قاتىسۋدان ءوزىن-وزى شەكتەۋ تۋرالى جازباشا ءوتىنىش (قاعاز نىساندا) بەرۋ مۇمكىندىگى ساقتالادى.