پوليسەي بولۋدى ارمان ەتكەن جەتكىنشەك الماتى اكادەمياسىنىڭ تىنىس-تىرشىلىگىمەن تانىستى

بيىل ناۋرىز مەرەكەسى ەلىمىزدە ەرەكشە تويلانىپ جاتىر.

جاڭاشا مانگە يە بولعان مەرەكەدەگى مەيىرىم كۇنى ءىىم م.ەسبولاتوۆ اتىنداعى الماتى اكادەمياسىندا دا وزگەشە اتالىپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

اتاپ ايتقاندا، تاعدىردىڭ اۋىرتپالىعىنا ۇشىراعان بالالارعا كومەك قولىن سوزىپ جۇرگەن “مەنىڭ ارمانىم” كورپوروتيۆتىك قورىنىڭ وتىنىشىمەن 11 جاستاعى نۇراسىل ەسىمدى جەتكىنشەك اكادەمياعا كەلىپ، ىرگەلى وقۋ ورنىنىڭ تىنىس-تىرشىلىگىمەن تانىستى. “مەنىڭ ارمانىم” قورىنىڭ ونداعى ماقساتى – بولاشاقتا پوليسيا قىزمەتكەرى بولۋدى ارماندايتىن نۇراسىلدى اكادەميا ومىرىمەن تانىستىرۋ.

ارمانشىل بالانى ۇلكەن ىزەتپەن قارسى العان اكادەميا باسشىلىعى وعان زور مۇمكىندىك تۋدىردى. نۇراسىل اكادەمياداعى مۋزەيدىڭ جادىگەرلەرىن تاماشالاپ، سپورت زالداعى ءتۇرلى جاتتىعۋلاردى كورىپ، ريزا بولدى. سونداي-اق ول پوليسيا قىزمەتكەرلەرى قولداناتىن قارۋلارمەن دە تانىستى. اۋىر دەرتپەن كۇرەسىپ جۇرگەن نۇراسىلدىڭ قالاۋىن ورىنداپ، مەيىرىمدىلىك تانىتقان اكادەميا باسشىلىعى ەستەلىككە سىيلىق ۇسىنىپ، ونى شەكسىز قۋانىشقا بولەدى. كۋرسانتتاردىڭ ومىرىمەن تانىسقان جەتكىنشەك تالپىنسا ومىردەگى ارمانىنىڭ ورىندالاتىنىنا سەنىممەن اتتاندى.