بۇدان بۇلاي ەلىمىزدەگى مۇعالىمدەر ساباقتاردى ۇيىمداستىرۋدىڭ ەرەكشەلىكتەرىنە قاراي، وزدەرىنە ۇنايتىن وقۋلىقتى ETANDAU.GOV.KZ پلاتفورماسى ارقىلى تاڭداي الادى.
قازىرگى تاڭدا ەلەكتروندى پلاتفورما استانا جانە الماتى قالالارىنىڭ، سونداي-اق قوستاناي وبلىسىنىڭ ءبىرقاتار مەكتەپتەرىندە اپروباسيادان ءوتتى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«ETANDAU.GOV.KZ- بۇل مۇعالىمدەرگە ارنالعان وقۋلىقتاردى تاڭداۋدىڭ اشىق جۇيەسى. اپروباسيا كەزىندە ونىڭ فۋنكسيونالدىعى جانە جۇمىستى وڭتايلاندىرۋ مۇمكىندىكتەرى راستالدى. پەداگوگتەر وقۋ پروسەسىنىڭ ەرەكشەلىكتەرى مەن ۇيىمداستىرىلۋىن ەسكەرە وتىرىپ، وزدەرىنە ۇنايتىن وقۋلىقتى ءوز بەتىنشە تاڭداي الادى»، - دەپ اتاپ ءوتتى رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعىنىڭ ديرەكتورى نازيرا ابدراحمانوۆا.
ءقازىر مۇعالىمدەر پلاتفورمانى پايدالانۋ بويىنشا وقىتۋدان وتۋدە. ايتا كەتەيىك، بۇل باستاما ءبىلىم بەرۋ ساپاسىن جانە تيىمدىلىگىن ارتتىرۋعا تاعى ءبىر قادام بولماق.