قاڭتار ايىندا ەلەكتروندىق ەڭبەك بيرجاسىندا جۇمىس بەرۋشىلەر 97،3 مىڭ بوس جۇمىس ورنىن، ال جۇمىس ىزدەۋشىلەر 191،1 مىڭ تۇيىندەمە ورنالاستىردى. وتكەن جىلدىڭ جەلتوقسان ايىمەن سالىستىرعاندا بوس ورىندار سانى 22،3 مىڭعا (-19%) ازايدى، ال تۇيىندەمە سانى 132 مىڭ بىرلىككە (+223%) ءوستى.
وسىلايشا، قاڭتار ايىندا جۇمىس بەرۋشىلەردىڭ سۇرانىسى جۇمىس ىزدەۋشىلەردىڭ ەڭبەك بيرجاسىنداعى ۇسىنىستارىنىڭ جارتىسىنا تەڭ بولدى، بۇل جىل باسىنداعى رەكرۋتينگتىك پروسەستەردىڭ تومەندەۋىمەن تۇسىندىرىلەدى.
وڭىرلەر بولىنىسىندە قاڭتار ايىندا تۇيىندەمەلەر سانىنىڭ ءوسۋى بارلىق وڭىرلەردە بايقالدى، ەڭ از ءوسىم استانا قالاسىندا تىركەلدى (+3،2 مىڭ تۇيىندەمە). ەڭبەك نارىعىنداعى ۇسىنىستىڭ ءوسۋىنىڭ ەڭ جوعارى كورسەتكىشتەرىن وڭتۇستىك وڭىرلەر: قىزىلوردا وبلىسى (+17،2 مىڭ تۇيىندەمە)، شىمكەنت قالاسى (+9،7 مىڭ) جانە تۇركىستان وبلىسى (+27 مىڭ) كورسەتتى.
«ءوز كەزەگىندە قاڭتار ايىندا ورنالاستىرىلعان بوس ورىندار سانى الدىڭعى ايمەن سالىستىرعاندا ەداۋىر تومەندەگەنى وڭتۇستىك وڭىرلەردە دە بايقالادى: قىزىلوردا (-4،5 مىڭ نەمەسە -61%) جانە تۇركىستان (-7،4 مىڭ بوس ورىن نەمەسە - 48%) وبلىستارىندا جانە الماتى قالاسىندا (-8 مىڭ نەمەسە -47 %)»، – دەپ حابارلادى «ەردو» اق ستراتەگيا جانە ۇلكەن دەرەكتەردى تالداۋ دەپارتامەنتىنىڭ باسقارما باسشىسى كاميللا ماناكوۆا.
قاڭتار ايىندا جوعارى بىلىكتى ماماندارعا سۇرانىستىڭ ەڭ جوعارى ءوسۋى (45 %-عا نەمەسە 9،9 مىڭ بوس ورىنعا) بايقالدى. جۇمىس بەرۋشىلەر تاراپىنان ورتاشا بىلىكتى ماماندارعا دەگەن سۇرانىس وتكەن جىلدىڭ جەلتوقسان ايىنداعى دەڭگەيدەن 4 %-عا (2 مىڭ بوس ورىن) تومەندەدى. ءبىر مەزگىلدە قاڭتار ايىندا بىلىكتىلىگى جوق پەرسونالعا سۇرانىستىڭ ايتارلىقتاي تومەندەۋى بايقالادى – 58% - عا (30،2 مىڭ بوس جۇمىس ورنى).
قاڭتار ايىندا ورنالاستىرىلعان تۇيىندەمەلەرگە كەلەتىن بولساق، ولاردىڭ سانىنىڭ ايتارلىقتاي ءوسۋى بىلىكتىلىگى جوق جۇمىس ىزدەۋشىلەر تاراپىنان بولعان بەلسەندىلىكتىڭ ناتيجەسىندە بولدى، ولاردىڭ سانى وتكەن ايمەن سالىستىرعاندا 549% - عا (نەمەسە 71،8 مىڭ تۇيىندەمە) ءوستى. بۇل رەتتە بەلسەندىلىك جوعارى (تۇيىندەمە سانىنىڭ 109 %-عا نەمەسە 22،1 مىڭ تۇيىندەمەگە ءوسۋى) جانە ورتاشا بىلىكتىلىگى (+147% نەمەسە 38،1 مىڭ) جۇمىس ىزدەۋشىلەر تاراپىنان دا بايقالدى.
«قاڭتار ايىندا ەڭ كوپ بوس جۇمىس ورىندارى «ءبىلىم جانە تاربيە» (17،5 مىڭ بوس جۇمىس ورنى) جانە «مەديسينا جانە فارماسيەۆتيكا» (8،5 مىڭ) كاسىپتىك سالالارىندا ورنالاستىرىلدى. ءوز كەزەگىندە ەەب-دا جۇمىس ىزەۋشىلەر اراسىندا «ءبىلىم جانە تاربيە» (17،3 مىڭ تۇيىندەمە) جانە «تكش جانە اباتتاندىرۋ» (8،2 مىڭ تۇيىندەمە) كاسىپتىك سالالارىنىڭ قىزمەتكەرلەرى تاراپىنان بەلسەندىلىك بايقالدى»، – دەپ ءبولىستى كاميللا ماناكوۆا.
جالاقىنىڭ ەڭ جوعارى مولشەرىن كوبىنە ءوز تۇيىندەمەلەرىندە «ۇلكەن دەرەكتەرمەن جۇمىس جونىندەگى مامان» (ورتا ەسەپپەن 1،3 ملن تەڭگەدەن باستاپ)، «بيزنەس-پروسەستەردى وڭتايلاندىرۋ جونىندەگى باسشى» (1،2 ملن تەڭگەدەن باستاپ)، سونداي-اق «وندىرىستىك وپەراسيالار جونىندەگى ينجەنەر» (1،2 ملن تەڭگەدەن باستاپ) ماماندىقتارى بويىنشا جۇمىس ىزدەۋشىلەر سۇراعان.
ەڭ كوپ جالاقىنى جۇمىس بەرۋشىلەر وندىرىستەگى بازا باستىقتارىنا (900 مىڭ تەڭگەدەن باستاپ)، جوبالاۋشى ينجەنەرلەرگە (800 مىڭ تەڭگەدەن باستاپ) جانە باس قۇرىلىسشىلارعا (790 مىڭ تەڭگەدەن باستاپ) ۇسىندى.
جالپى، قاڭتار ايىندا ەەب-دا بىلىكتىلىگى جوق جۇمىس كۇشىنە سۇرانىستىڭ تومەندەۋى جانە «ءبىلىم جانە تاربيە» جانە «مەديسينا جانە فارماسيەۆتيكا» كاسىپتىك سالالارىنداعى ماماندارعا جوعارى سۇرانىس بايقالدى.