الماتى پوليسياسى 600 ەسىرتكى رەسۋرسىن بۇعاتتادى، – دەپ حابارلايدى Polisia.kz. ناشاقورلىقتىڭ الدىن الۋ – الماتى پوليسياسى قىزمەتىنىڭ وزەكتى باعىتى. ەسىرتكى قىلمىسىمەن كۇرەسۋشىلەر وتكەن جىلى 420 پروفيلاكتيكالىق ءىس-شارا وتكىزگەن.
– ازاماتتار مەن ەرىكتىلەردىڭ بەلسەندىلىگىنىڭ ارقاسىندا بەتبەلگى قويۋشىلاردى اشكەرەلەۋ، ەسىرتكىنىڭ تارالۋى تۋرالى اقپارات بار گراففيتي جازبالاردى انىقتاۋ جانە بوياۋ بويىنشا بىرلەسكەن جۇمىس جاقسارعانىن اتاپ وتكىم كەلەدى. وتكەن جىلى بارلىعى 8 مىڭ 540 گراففيتي-سۋرەت انىقتالدى جانە بويالدى. وسى سۋرەتتەردى سالعانى ءۇشىن 8 ادام قىلمىستىق جاۋاپكەرشىلىككە تارتىلدى. سونىمەن قاتار ءبىزدىڭ بولىمشەنىڭ قىزمەتكەرلەرى تىيىم سالىنعان كونتەنتى بار 597 سايتتى بۇعاتتاۋ ءۇشىن اقپارات جىبەردى. بۇل رەسۋرستاردىڭ جاستار اراسىندا تانىمال بولۋى الاڭداتادى. سونداي-اق قىزمەتى قىلمىستىق سيپاتتا بولۋى مۇمكىن 5 ينتەرنەت-ەسىرتكى دۇكەنىن نازارعا الدىق، – دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
سونداي-اق سپيكەر، بۇگىندە ناشاقورلىق پەن ەسىرتكى قىلمىسىنىڭ الدىن الۋدا كورنەكى پلاتفورمالار بەلسەندى تۇردە قولدانىلىپ جاتقانىن ايتتى: 8 مەترو ستانسياسىنىڭ 42 مونيتورىندا جانە قوعامدىق ورىنداردا ورنالاسقان 72 LED-ەكراندا ءانونيمدى سەنىم تەلەفونى (WhatsApp 8-705-549-70-25) بار الەۋمەتتىك روليكتەر كورسەتىلەدى.