ق ر اۋىل شارۋاشىلىعى ۆيسە-مينيسترى ازات سۇلتانوۆ ۇكىمەت وتىرىسىندا بيىلعى 11 ايدا اۋىل شارۋاشىلىعىنىڭ جالپى ءونىمىنىڭ كولەمى 11،6% جىلدىق جوسپارمەن 13،4%-عا ارتىپ، 7،8 ترلن تەڭگەنى قۇراعانىن ءمالىم ەتتى، دەپ حابارلايدى aqshamnews.kz
ول بۇل ءوسىم وسىمدىك شارۋاشىلىعىنداعى ءوندىرىس كولەمىن 19،9%-عا، مال شارۋاشىلىعىندا 3،2%-عا ۇلعايتۋ ەسەبىنەن قامتاماسىز ەتىلگەنىن اتاپ ءوتتى.
«وسىمدىك شارۋاشىلىعىندا ورتاشا ونىمدىلىگى 16،1 س/گا 26،7 ملن توننا استىق، ونىڭ ىشىندە بيداي – 19،8 ملن توننا، كۇرىش – 563 مىڭ توننا. سونداي-اق 2،9 ملن توننا كارتوپ، 3،9 ملن توننا كوكونىس، 3،2 ملن توننا مايلى داقىلدار جانە 300 مىڭ توننا ماقتا جينالدى. مال شارۋاشىلىعىندا سويىس سالماقتاعى ەت ءوندىرىسىنىڭ 4%-عا، سيىر ءسۇتىنىڭ 4،4%-عا جانە تاۋىق جۇمىرتقاسىنىڭ 1،2%-عا ءوسۋى بايقالدى»، — دەپ ناقتىلادى ازات سۇلتانوۆ.