ەلىمىزدە ءبىر ايدا قانشا كولىك جاسالدى؟

قازاقستاندا ەكى جاڭا زاۋىتتىڭ قۇرىلىسى ءجۇرىپ جاتىر. 

قازاقستاندا ءبىر ايدىڭ ىشىندە 14 مىڭعا جۋىق دوڭعالاقتى تەحنيكا شىعارىلدى، دەپ حابارلايدى Almaty-akshamy.kz

ۇلتتىق ستاتيستيكا بيۋروسىنىڭ مالىمەتىنە سايكەس، 2024 جىلى ءساۋىر ايىندا قازاقستانداعى زاۋىتتاردا 13 873 دوڭعالاقتى تەحنيكا شىعارىلعان. سونىڭ ىشىندە 12 926 جەڭىل كولىك بار. وسىلايشا، 2023 جىلدىڭ ءساۋىر ايىمەن سالىستىرعاندا جەڭىل كولىكتەردىڭ ءوندىرىسى 10،5 پروسەنتكە ءوستى.

جالپى، ءقاڭتار-ساۋىر ايلارىندا رەسپۋبليكا بويىنشا 47 مىڭ تەحنيكا شىعارىلدى. باعاسى - 593،1 ملرد تەنگە. بىلتىر ءدال وسى كەزەڭدە 44،7 دانا بولعان. ءبىر جىلدىڭ دوڭعالاقتى تەحنيكانىڭ ءوندىرىسى 4،9 پروسەنتكە ارتتى. جىلدىق كورسەتكىشتەر:

جەڭىل كولىكتەر - 43 622 دانا (+7،8%)؛

جۇك كولىكتەر - 2 087 دانا (-36%)؛

اۆتوبۋستار - 740 (+22،7%)؛

بۇدان بولەك، 279 دانا تىركەمە مەن جارتىلاي تىركەمەلەر، سونداي-اق 166 دانا باسقا دا ارنايى تەحنيكا شىعارىلدى.

ءقازىر قازاقستاندا ەكى جاڭا زاۋىتتىڭ قۇرىلىسى ءجۇرىپ جاتىر. بىرەۋى الماتىدا (Chery، GWM مەن Changan)، ەكىنشىسى قوستانايدا (Kia) ورنالاسادى. ەكى ءوندىرىس ىسكە قوسىلسا، قوسىمشا 7،3 مىڭ جۇمىس ورنى بولادى.